ક્રિકેટ / સતત ખરાબ ફૉર્મના પગલે કેપ્ટન કોહલીથી આગળ નીકળી ગયો રોહિત, ટીમ ઈન્ડિયા માટે આ મોટી પરેશાની 

ભારતીય ક્રિકેટ ટીમ કપ્તાન કોહલી સહિતનાં મિડલ ઓર્ડર બેટ્સમેનોનાં ખરાબ ફોર્મથી પરેશાન છે. હવે તેની અસર ICC રેન્કિંગમાં પણ દેખાઈ છે. છેલ્લા ઘણા સમયથી કોહલી સતત ખરાબ ફોર્મના કારણે રેન્કિંગમાં પાછળ જતો જાય છે. 

તો બીજી તરફ ઓપનર રોહિત શર્મા તેના નિયમિત સારા પ્રદર્શનનાં કારણે રેન્કિંગમાં આગળ આવી ગયો છે. રોહિત ટોપ 5 બેટ્સમેનોમાં શામેલ થવામાં સફળ રહ્યો હતો. હવે રોહિત આઇસીસી ટેસ્ટ રેન્કિંગમાં પાંચમા ક્રમે આવી ગયો છે અને વિરાટ ટોપ ફાઇવની બહાર નીકળી જતાં છઠ્ઠા ક્રમે આવી ગયો છે. 

છેલ્લી પણ ઇનિંગમાં એક જ હાફ સેન્ચ્યુરી 
કેપ્ટન કોહલી ઈંગ્લેંડમાં રમાયેલી ત્રણ ટેસ્ટની છેલ્લી પાંચ ઇનિંગ્સમાં માત્ર એક જ અર્ધી સદી ફટકારી શક્યો હતો. જેનાં કારણે કોહળીને નવ પોઇન્ટ્સનું નુકસાન ગયું હતું અને હવે તે 766 પોઈન્ટ સાથે છઠ્ઠા સ્થાને આવી ગયો હતો. 

રોહિત શર્મા પાંચમા સ્થાને 
ઈંગ્લેંડમાં સતત સારું પરફોર્મ કરી રહેલ ઓપનર રોહિત શર્મા 733 પોઇન્ટ્સ સાથે પાંચમા ક્રમે છે અને જ્યારે રોહિતે બે વર્ષ પહેલા ટેસ્ટમાં ઓપનિંગ શરૂ કર્યું ત્યારે તેનો કર્મ 53 હતો. બે જ વર્ષમાં રોહિત ટોપ 5 બેટ્સમેનોમાં સ્થાન મેળવી ચૂક્યો છે. 

બીજી તરફ રિષભ પંત પણ આઠમાંથી સીધા 12માં સ્થાને પહોંચી ગયો હતો. ઈંગ્લેંડમાં ખરાબ પ્રદર્શન બાદ ભારતના મિડલ અને લોઅર ઓર્ડરના બેટ્સમેનોનાં રેન્કિંગમાં ફેરફાર થયો હતો.

રુટ પ્રથમ સ્થાને 
ઇંગ્લેન્ડના કેપ્ટન જો રુટ હવે ટેસ્ટ રેન્કિંગમાં પહેલા સ્થાને પહોંચી ગયો હતો. છ વર્ષ બાદ રુટ ફરી ટોચનાં સ્થાને પહોંચી ગયો હતો. આ જ વર્ષની શરૂઆતમાં જો રુટ બેટ્સમેનોનાં રેન્કિંગમાં નવમા સ્થાને હતો અને હવે તેણે ન્યુઝીલેન્ડના કેપ્ટન કેન વિલિયમસનને પાછળ છોડી દીધો હતો. રુટ 916 પોઇન્ટ્સ સાથે પહેલા ક્રમે અને વિલિયમસ્ન 901 પોઇન્ટ્સ સાથે બીજા સ્થાને છે જ્યારે સ્મિથ ત્રીજા સ્થાને છે. 

કોણ છે ટોપ ટેન બેટ્સમેનો ?
જો રુટ 
કેન વિલિયમસન 
સ્ટીવ સ્મિથ 
માર્નસ લબુશેન 
રોહિત શર્મા 
વિરાટ કોહલી 
બાબર આઝમ 
ડેવિડ વોર્નર 
ક્વિન્ટન ડીકોક 
હેન્રી નિકોલસ 

આ સિવાય ભારતીય બેટ્સમેન ચેતેશ્વર પૂજારા 15 માં ક્રમે પહોંચી ગયો હતો. લાસ્ટ ઇનિંગમાં જ તેણે 91 રનની ઇનિંગ રમી હતી.