ટીમ ઇન્ડિયાના સ્ટાર બેસ્ટમેન અને વાઇસ કેપ્ટન રોહિત શર્માએ ઓસ્ટ્રેલિયાની વિરુદ્ધ બેંગાલુરુમાં રમવામાં આવી રહેલી ત્રીજી અને નિર્ણાયક વનડે મેચમાં 4 રન બનાવતાની સાથે એક મોટો રેકોર્ડ બનાવ્યો છે.
'હિટ મેન' રોહિત શર્માએ વનડે ઇન્ટરનેશનલ ક્રિકેટમાં પોતાના 9000 રન પૂર્ણ કરી લીધા છે
સૌથી ઝડપી 9000 રન પૂર્ણ કરવાનો રેકોર્ડ ટીમ ઇન્ડિયાના કેપ્ટન વિરાટ કોહલીના નામે છે
'હિટ મેન' રોહિત શર્માએ વનડે ઇન્ટરનેશનલ ક્રિકેટમાં પોતાના 9000 રન પૂર્ણ કરી લીધા છે. રોહિત શર્માએ 217 વનડે ઇનિંગ્સમાં આ કીર્તિમાન સ્થાપ્યો છે. રોહિતે આ સાથે સૌરવ ગાંગુલી, સચિન તેંદુલકર અને બ્રાયન લારા જેવા દિગ્ગજોને પાછળ છોડી દીધા.
રોહિત શર્માએ આ તમામ દિગ્ગજોથી ઓછી ઇનિંગ્સ રમીને પોતાના 9000 વનડે રન પૂર્ણ કર્યા છે. સૌરવ ગાંગુલીએ 228, સચિન તેંદુલકરે 235 અને બ્રાયન લારાએ 239 ઇનિંગ્સમાં 9000 વનડે રન પૂર્ણ કર્યા હતા.
વનડે ઇન્ટરનેશનલ ક્રિકેટમાં સૌથી ઝડપી 9000 રન પૂર્ણ કરવાનો રેકોર્ડ ટીમ ઇન્ડિયાના કેપ્ટન વિરાટ કોહલીના નામે છે. કોહલીએ 194 ઇનિંગ્સમાં આ ઉપલબ્ધિ હાંસલ કરી હતી.
વનડે ઇન્ટરનેશનલની વાત કરીએ તો, રોહિત શર્મા દુનિયાના સૌથી વધારે સદી ફટકારનાર બેટ્સમેનોની લિસ્ટમાં ચોથા નંબર પર આવે છે. રોહિત શર્માના નામે વનડે ઇન્ટરનેશનલ ક્રિકેટમાં 28 સદી નોંધાયેલી છે.