સ્પોર્ટ્સ / ત્રીજી ટેસ્ટ પહેલા રોહિત રિટર્ન્સ: આ ખેલાડી ટીમ ઇન્ડિયામાંથી બહાર

• રોહિત શર્માની થશે વાપસી
• ટીમ ઇન્ડિયામાંથી આ પ્લેયર બહાર 
• સિડનીમાં 7 જાન્યુઆરીએ રમાશે મૅચ 

રોહિત શર્માની વાપસીનો ક્યાસ પહેલાથી જ લગાવવામાં આવી રહ્યો છે. જો કે તે સાફ નથી કે રોહિત શર્મા મયંક અગ્રવાલની જગ્યા લેશે કે પછી હનુમા વિહારીની પરંતુ ટીમ ઇન્ડિયાએ વિહારીને એક તક આપવાનો નિર્ણય કર્યો છે. 

ઉમેશ યાદવ ઇજાગ્રસ્ત હોવાથી ભારતીય ટીમ મજબૂરીમાં આ બદલાવ કરવા જઇ રહ્યું છે. નવદીપ સૈનીને ટીમ ઇન્ડિયાને ડેબ્યુ કરવાની તક આપી છે. નવદીપ સૈની ત્રીજી ટેસ્ટમાં જસપ્રીત બુમરાહ અને મોહમ્મદ સિરાઝનો સાથ આપશે. 

સ્પિન બૉલરની જવાબદારી આ સિરીઝમાં શાનદાર ફોર્મ તાવનાર અશ્વિનના માથે રહેશે. રવિન્દ્ર જાડેજાએ પહેલી ટેસ્ટમાં 57 રન બનાવ્યા હતા અને ઓલરાઉન્ડર ટીમમાં પોતાની જગ્યા નક્કી કરી લીધી હતી. 

ત્રીજી ટેસ્ટમાં નટરાજનના ડેબ્યુને લઇને ઘણી ચર્ચા હતા એવા ક્યાસ લગાવવામાં આવી રહ્યાં હતા કે સૈનીની જગ્યાએ નટરાજનનું ડેબ્યુ થશે. આવુ થયુ નહી અને નટરાજનને હાલ ટેસ્ટ ક્રિકેટ રમવા માટે રાહ જોવી પડશે. 

ભારતીય ટીમના 11 ખેલાડી 
રોહિત શર્મા, શુભમન ગિલ, ચેતેશ્વર પૂજારા, અજીંક્યા રહાણે, હનુમા વિહારી, રિષભ પંત, રવિન્દ્ર જાડેજા, આર.અશ્વિન, જસપ્રિત બુમરાહ, મોહમ્મદ સિરાઝ, નવદીપ સૈની.