ભારત અને વેસ્ટ ઇન્ડિઝની વન ડે મેચમાં રોહિત શર્મા અને વિરાટ કોહલી આ બંનેની DRS વાળી ઘટના લોકોમાં બની ફેવરિટ
ભારત અને વેસ્ટઈન્ડિઝવન ડે મેચ
વિરાટ કોહલીની જોવા મળી લીડરશિપ
DRSવાળી ઘટના ક્રિકેટપ્રેમીઓમાં ફેવરિટ
અમદાવાદમાં રમાયેલી ભારત અને વેસ્ટઇન્ડિઝની વન-ડે મેચે ઇતિહાસ સર્જ્યો છે. આ ટીમ ઇન્ડિયાની 1000મી વન ડે મેચ હતી. રોહિત શર્મા પ્રથમવાર વન ડે ટીમ ઇન્ડિયાનું નેતૃત્વ કરી રહ્યો છે. આ મેચમાં એવી ઘણી ઘટનાઓ બની કે જે ચર્ચાઓમાં રહી. તેમાં વિરાટ અને રોહિતની DRSવાળી ઘટનાએ લોકોમાં વધુ ચર્ચા જગાવી હતી.
કેમ રસપ્રદ રહી મેચ ?
વાત એવી છે કે ક્રિકેટ મેચ દરમિયાન 22મી ઓવરના 12માં બોલ પર વેસ્ટ ઈન્ડિઝ બેટર બ્રુક્સ 12 રને બેટિંગ કરી રહ્યો હતો. ચહલે બોલિંગ કરી બોલ બેટની ધાર( edge) પર અડ્યો અને વિકેટકિપર રિષભ પંતે કેચ કર્યો પરંતુ એમ્પાયરે તેને નોટ આઉટ આપ્યો. રોહિત અને પંત મૂંઝવણમાં મૂકાયા. બોલ બેટની ધાર (edge)પર અડીને જમીન પર આવ્યો હતો. તેઓ વાતચીત કરી રહ્યા હતા. તે વખતે તરત જ ભૂતપૂર્વ કેપ્ટન વિરાટ કોહલીએ આક્રમક અંદાજમાં આવીને કહ્યુ કે 'રોહિત બેટ લગા હૈ 'અને રોહિત શર્માને DRS લેવાનું કહ્યું. રોહિત શર્માએ DRS લેતા જોવા મળ્યુ કે બેટ બોલ પર અડ્યો છે અને થર્ડ એમ્પાયરે આઉટ આપ્યો છે. ક્રિકેટ પ્રેમીઓ આ બંનેની કેમિસ્ટ્રી જોઇને ખુશ થયા હતા.
કેપ્ટન રોહિત છે ફિલ્ડીંગ સેટ કરી રહ્યો હતો કોહલી
વિરાટ કોહલી ભલે કેપ્ટન પદે ન રહ્યો હોય પરંતુ તે મેદાન પર એજ જુસ્સા સાથે રમતો જોવા મળ્યો હતો. તેણે પોતાના અંદાજમાં રમત રમી. ઘણીવાર તે રોહિત શર્માની મદદ કરતો પણ જોવા મળ્યો હતો. રોહિતને ફિલ્ડીંગ સેટ કરવાની પણ સલાહ આપી હતી. જેનો વીડિયો સોશિયલ મીડિયામાં વાયરલ થતા લોકો આ બંનેની કેમિસ્ટ્રી ઘણી પસંદ કરી રહ્યા છે.