સિંગર નેહા કક્કર છેલ્લાં લાંબા સમયથી ગમે તે કારણોસર ચર્ચામાં બની છે. નેહા કક્કર સોશિયલ મીડિયામાં ખૂબ સક્રિય રહે છે. નેહા સોશિયલ મીડિયામાં અવાર-નવાર પતિ રોહનપ્રીત સિંહને લઇને પ્રેમનો એકરાર કરતી જોવા મળે છે. નેહા કક્કરે સોશિયલ મીડિયામાં પોતાના વેલેન્ટાઈન ડેની ઉજવણીની ઝલક શેર કરી છે.
નેહા અને રોહનપ્રીતની તસ્વીરો સોશિયલ મીડિયામાં છવાઇ
નેહા કક્કરે તેના ચાહકોને જણાવ્યું છે કે રોહનપ્રીતે કેવીરીતે તેને સરપ્રાઈઝ આપી. એક ખાસ સરપ્રાઈઝની સાથે રોહનપ્રીતે નેહા કક્કરનો વેલેન્ટાઈન ડે ખૂબ જ સ્પેશિયલ બનાવી દીધો. જેનાથી સિંગર ખૂબ ખુશ થઇ ગઇ. નેહા અને રોહનપ્રીતની તસ્વીરો સોશિયલ મીડિયામાં છવાઇ ગઇ છે. જેમાં રોહનપ્રીત મોડી રાત્રે પોતાની પત્નીને કેક અને ફૂગ્ગાની સાથે સરપ્રાઈઝ આપી રહ્યો છે. જેને જોઇને નેહા ચોંકી ગઇ છે.
ત્યારબાદ બંનેએ એકસાથે કેક કાપી અને એકબીજાને ખવડાવી. એટલું જ નહીં, બંનેએ એકબીજાને તસતસતુ ચુંબન કર્યુ. જેની તસ્વીરો શેર થઇ છે. જેને જોઇને નેહા અને રોહનપ્રીતના પ્રશંસકો ખૂબ ખુશ છે. તસ્વીર શેર કરીને નેહા કક્કરે કેપ્શનમાં લખ્યું, તે પોતાની નેહૂને સ્પેશિયલ ફીલ કરાવવા માટે કોઈ તક છોડતો નથી. આઈ લવ યુ રોહનપ્રીત. હેપ્પી વેલેન્ટાઈન ડે. રોહનપ્રીતે આ પોસ્ટ પર કોમેન્ટ કરતા લખ્યું, આઈ લવ યુ મિસિસ સિંહ. જો કે, આ પ્રથમ વખત નથી, જ્યારે નેહા કક્કરે આ રીતે પતિ માટે પોતાનો પ્રેમ દર્શાવ્યો છે. બંને અવાર-નવાર પોતાની પ્રેમાળ તસ્વીરો શેર કરતા રહે છે.