એશિયન ગેમ્સઃ રોહન બોપન્ના-શરણની જોડીએ અપાવ્યો ગોલ્ડ મેડલ

નવી દિલ્હીઃ એશિયન ગેમ્સમાં ભારતના ખાતામાં વધુ એક ગોલ્ડ ઉમેરાયો છે. ભારતે ટેનિસ મેન્સ ડબલ્સમાં ભારતને ગોલ્ડ મેડલ અપાવ્યો છે. રોહન બોપન્ના અને શરણની જોડીની મહેનત રંગ લાવી અને ભારતને ગોલ્ડ મેડલ અપાવ્યો છે. જેથી હવે ભારતના ખાતામાં કુલ 6 ગોલ્ડ મેડલ સાથે કુલ 21 મેડલ થયા છે. 

રોહન-શરણની જોડીએ ફાઇનલમાં કઝાકિસ્તાનના એલેક્સાંદ્ર બુબલિક ડેનિસ યેવસેયેવને 6-3 6-4થી હરાવી ગોલ્ડ મેડલ પોતાના નામે કર્યો છે. આ રમત સમગ્રરીતે એકતરફી રહી. કઝાકિસ્તાની જોડી ભારતીયોને ક્યારેય ટક્કર આપતી ન જોવા મળી.

આ પહેલા બોપન્ના-શરણે ત્રણ સેટોં સુધી ચાલેલ રોમાંચક સેમીફાઇનલ મુકાબલામાં જાપનના કાઇતો યુસૂગી અને એસ.શિમાબુકૂરોની જોડીને 2-1થી હરાવી હતી.