વડોદરામાં પોલીસે રોફ જમાવનારને અંગુઠા પકડાવ્યા હોવાની ઘટના સામે આવી છે. ભાજપ અગ્રણી હોવાનો રોફ જમાવતા શખ્સને પોલીસે અંગુઠા પકડાવ્યા.
વડોદરામાં પોલીસે રોફ જમાવનારને અંગુઠા પકડાવ્યા
ભાજપ અગ્રણી હોવાનો કહીને શખ્સ રોફ જમાવતો હતો
વાહન અડી જતા મહિલાએ વાંધો ઉઠાવતા માર્યો ઢોર માર
એજાઝ ઉર્ફે અગ્ગો નામનો શખ્સ કે જે ભાજપના ઉચ્ચ નેતાઓ સાથે સબંધ ધરાવે છે. એજાઝ ઉર્ફે અગ્ગો નામના શખ્સે યાકુતપુરા પાસે અકસ્માત બાદ મહિલાને ઢોર માર માર્યો હતો. વાહન અડી જતા મહિલાએ વાંધો ઉઠાવ્યો હતો. જ્યાર બાદ એજાઝે મહિલાને ઢોર માર માર્યો હતો. આથી, સીટી પોલીસ મથકે ફરિયાદ નોંધાતા એજાઝની ધરપકડ કરી હતી. જ્યાર બાદ પોલીસે એજાઝને ઉઠબેસ કરાવી. બાદમાં એજાઝે મહિલાના પગે પડીને માફી માંગી હતી. જણાવી દઇએ કે, મંત્રીઓ અને MLA સાથેના ફોટો બતાવી એજાઝ લોકોમાં રૌફ જમાવતો હતો.
એજાઝ મંત્રીઓ અને MLA સાથેના ફોટો બતાવી લોકોમાં રૌફ જમાવતો
ઉલ્લેખનીય છે કે, કેટલાંક લોકો નેતાઓ સાથે પોતાને અંગત સંબંધ હોવાનું જણાવી તેઓની સાથે ફોટા પાડીને પોતાનો વટ દેખાડતા હોય છે. જ્યારે કેટલાંક શખ્સો તેનો ગેરલાભ પણ ઉઠાવતા હોય છે ત્યારે આવો જ એક કિસ્સો વડોદરામાં સામે આવ્યો છે કે જેમાં એજાઝ ઉર્ફે અગ્ગો નામના એક શખ્સે યાકુતપુરા પાસે અકસ્માત બાદ મહિલાને ઢોર માર માર્યો હતો. તે મંત્રીઓ અને MLA સાથેના ફોટો બતાવી એજાઝ લોકોમાં રૌફ જમાવતો.
અગાઉ પોલીસે તેને ચોરીના કેસમાં ઝડપી પાડ્યો હતો
તમને જણાવી દઇએ કે, મંત્રીઓ અને ધારાસભ્યો સાથે ફોટા પડાવી તેને સોશિયલ મીડિયામાં મૂકી રૌફ જમાવનાર યાકુતપુરામાં રહેનાર એજાઝ ઉર્ફે અગ્ગાને અગાઉ પંચમહાલ પોલીસે ચોરીના કેસમાં પણ ઝડપી પાડ્યો હતો.
એજાઝે કાલોલ તાલુકાની દેલોલ ગામે આવેલી કરિયાણાની દુકાનમાંથી દુકાનદારની નજર ચૂકવી દુકાનના કાઉન્ટરમાંથી 50 હજારની ચોરી કરી હતી. જો કે, કાઉન્ટરમાંથી 50 હજારની ચોરી કરતા તે CCTV કેમેરામાં કેદ થઇ ગયો હતો. બાદમાં પોલીસે તેની અટકાયત કરી હતી. પરંતુ એકવાર ફરી તેને એક ગુનાને અંજામ આપ્યો છે. જેમાં યાકુતપુરા પાસે અકસ્માત બાદ એક મહિલાને તેને ઢોર માર માર્યો હતો. આથી, સીટી પોલીસ મથકે ફરિયાદ નોંધાતા એજાઝની ધરપકડ કરી હતી.