US-Iran / અમેરિકાની સેનાને નિશાન બનાવી ઇરાકના એરબેઝ પર ફરી રોકેટથી હુમલો

• ઇરાકના એરબેઝ પર ફરી રોકેટ હુમલો
• હુમલાને લઇને કોઇ લીધી નહીં જવાબદારી

આ અગાઉ પર ઇરાકના અલ બલાદ એરબેઝ પર 8 મોર્ટાર છોડવામાં આવ્યાં હતા, જેમાં 7 મોર્ટારના કારણે એરબેઝના રન વે ને મોટુ નુકસાન પહોંચ્યું હતું. આ હુમલામાં ઇરાકના 4 સૈનિક ઘાયલ થયા હતા. જો કે આ હુમલાની કોઇએ જવાબદારી લીધી નહોતી. જો કે અમેરિકા આરોપ લગાવીચૂક્યું છે કે ઇરાકમાં ઇરાન સમર્થિત ગ્રુપ તરફથી આ હુમલો કરવામાં આવ્યો હતો. 

ઇરાકની રાજધાની બગદાદથી અંદાજે 90 કિલોમીટર દૂર આવેલ એર બેઝ પર આ હુમલો સોમવારે સાંજે થયો હતો, જેમાં 4 જવાનના ઇજાગ્રસ્ત થયા હતા અને નજીકની બિલ્ડીંગને નુકસાન પહોંચ્યું હતું. બલાદ એર બેઝ ઇરાકનો સૌથી મોટ એર બેઝ છે. અમેરિકાની સેના તેને લોજિસ્ટિક્સ સપોર્ટ એક્ટિવિટી (LSA) એનાકોન્ડાના નામે ઓળખે છે. 

એર બેઝમાં કેટલાક અમેરિકાના સૈનિકો અને ઇરાકના F-16 વિમાન ઉડાવનાર એક અમેરિકન કંપનીના સલાહકાર રહેતા હતા, પરંતુ અમેરિકાની નેતૃત્વવાળી આંતરરાષ્ટ્રીય ગઠબંધને ઇરાકમાં ઇસ્લામિક સ્ટેટ IS  વિરુધ્ધ પોતાનું અભિયાન સ્થગિત કરવાની જાહેરાત કર્યા બાદ એક અઠવાડિયા અગાઉથી ત્યાંથી નિકળી ગયા હતા.