ટેક્નોલોજી / હવે આવી રહ્યા છે આંખના પલકારાથી ઝુમ થતાં કોન્ટેકટ લેન્સ!

સાન ડિયાગોની યુનિવર્સિટી ઓફ કેલિફોર્નિયાના વિજ્ઞાનીઓએ એવા કોન્ટેકટ લેન્સ બનાવ્યા છે જે આંખની ઇશારે કામ કરશે. લેન્સ પહેરનાર બે વખત પલક ઝપકાવશે તો લેન્સ ઝુમ થશે, પણ તે કેવી રીતે શક્ય બને? વિજ્ઞાનીઓએ તે માટે આંખની મુવમેન્ટ કે પલકારાથી પેદા થતા ઇલેકટ્રોઓક્યુલોગ્રાફિક સિગ્નલનો ઉપયોગ કરીને સોફટ બાયોમેડ્રિક લેન્સ બનાવ્યા છે.

આ લેન્સ આ સિગ્નલ પર પ્રતિક્રિયા આપે છે. ટોક્ક્સ પ્રકારના સિગ્નલના આધારે લેન્સ તેની ફોકલ લેન્થ બદલે છે તેને પહેરનાર એક સાથે બે વખત આંખનો પલકારો મારે ત્યારે તે ઝુમ થાય છે. કેમેરાના લેન્સ પણ આ રીતે ફોકલ લેન્થ બદલીને ઝુમ થાય છે. આંખની હલનચલન એક પ્રકારના સુક્ષ્મ ઇલેક્ટ્રિક કરન્ટ પેદા કરે છે.

આવા લેન્સ બનાવવાની જરુર કેમ પડી તે અંગે વિજ્ઞાનીઓ કહે છે કે તેનો ઉપયોગ એડજસ્ટેબલ ગ્લાસીસ તથા રિમોટલી કામ કરતા રોબોટ અને રોબોટિક ડિવાઇસમાં થઇ શકશે. કોઇ વ્યકિત આ લેન્સ પહેરે અને તે કેમરાની જેમ ઝુમ કરીને દુરની વસ્તુ નજીક જોઇ શકે તે વાત જ અત્યંત રોમાંચક છે.આ લેન્સ જોકે લોકો માટે કયારે ઉપલભ્ધ બનશે તે કહેવું હાલ મુશ્કેલ છે.