ચૂંટણી / પેરૂગ્વેના ઝંડાને તિરંગો સમજીને રોબર્ટ વાડ્રાએ કર્યું ટ્વીટ, થઇ ભારે ફજેતી
રોબર્ટ વાડ્રાએ ગઈ કાલે દિલ્હીમાં પ્રિયંકા ગાંધી સાથે મતદાન કર્યુ. ત્યાર બાદ રોબર્ટ વાડ્રાએ પોતાના મતદાન કરેલી આંગળીના ચિહ્ન સાથેની એક સેલ્ફી ટ્વીટ કરી હતી. પણ આ ટ્વીટથી રોબર્ટ વાડ્રાની ભારે ફજેતી થઈ હતી. વાડ્રાની ભૂલ એ હતી કે તેમણે ટ્વીટના અંતે ભારતના ઝંડાના બદલે પેરૂગ્વેનો ઝંડો મૂક્યો હતો.
ત્યાર બાદ ટ્વીટર પર લોકોએ તેમને ખૂબ જ ટ્રોલ કર્યા હતા. ટ્રોલ થયા બાદ રોબર્ટ વાડ્રાએ આ ટ્વીટ ડિલીટ કરી નાખ્યું હતું. રોબર્ટ વાડ્રાએ ટ્વીટ કરીને લખ્યું હતુ કે, આપણો અધિકાર, આપણી શક્તિ.
આપ સૌને વોટિંગ માટે ઘરની બહાર આવવું જોઈએ. આપણે આપણા પ્રિયજનોના સારા ભવિષ્ય માટે તેમની મદદ કરવાની જરૂર છે, જેથી આપણે દેશને ધર્મનિરપેક્ષ અને સુરક્ષિત બનાવી શકીએ.
આ ટ્વીટના અંતે તેમણે પેરૂગ્વેનો ઝંડો મૂક્યો હતો. જે બાદ તેમની ટ્વીટર પર ભારે ફજેતી થઈ. આખરે તેમણે આ ટ્વીટ ડિલીટ કર્યુ.
India lives in my heart & I salute Tiranga.Using a Paraguay flag in my post was just an aberration.I very well know tht”You all know it was posted by mistake" but u decided to”play up my mistake”,whn thr r such glaring issues to be discussed. It saddens me, but never mind! 😊👍 pic.twitter.com/ZPDva2eWSW
— Robert Vadra (@irobertvadra) May 12, 2019
