ક્યાં હતી પોલીસ? / બેંકમાં પૈસાની લેવડ-દેવડ કરવા જનારા વૃદ્ધો માટે ચેતવનારો કિસ્સો, નડિયાદમાં જુઓ કેવી બની ઘટના

• નડિયાદમાં ધોળા દિવસે લૂંટની ઘટના
• બેંક ઓફ બરોડા બહાર લૂંટ 
• 60 હજારની લૂંટ કરી લૂંટારૂઓ ફરાર

નડિયાદમાં વાણિયાવાડ વિસ્તારમાં ધોળા દિવસે લૂંટની ઘટના બનતા ફરી એક વખત પોલીસની કામગીરી સામે સવાલ ઉઠી રહ્યા છે. આ વખતે લૂંટારૂઓના ટાર્ગેટ પર એક વૃદ્ધ માજી હતા જે પોતાની બચત મૂડી બેક ઓફ બરોડામાંથી ઉપાડી ઘરે લઈ જઈ રહ્યા હતા. 

60 હજાર રોકડ અને મોબાઇલની લૂંટ કરી લૂંટારૂઓ ફરાર 
નડિયાદમાં વાણિયાવાડ વિસ્તારમાં આવેલી બેંક ઓફ બરોડા બહાર લૂંટારૂઓએ ચકચારી લૂટની ઘટનાને અંજામ આપ્યો હતો. બાઇક પર આવેલા 2 શખ્સો એક માજી પાસેથી 60 હજાર રૂપિયાથી ભરેલી થેલી લઇ ફરાર ગયા છે. માજી બેન્કમાં રૂપિયા ઉપાડી  રિક્ષાની રાહ જોઇ રહ્યા હતા તે વખતે રેકી રાખીને બેઠેલા 2 બાઈક સવાર ઈસમોએ આ લૂંટ કરી હતી.60 હજાર રૂપિયા સાથે બેગમાં મોબાઈલ અને ઘરની ચાવીઓ પણ હતી. સમગ્ર મામલે નડિયાદ ટાઉન પોલીસે ઘટનાસ્થળે પહોંચી તપાસ હાથ ધરી છે.

લૂંટની ઘટનાને નજરે જોનારે શું કહ્યું?
લૂંટની ઘટનાને દૂરથી નજરે જોનારે કહ્યું કે 'આજ રોજ હમણાં થોડા સમય પહેલા અહિયાં એક ઉમર વર્ષ માજી હતા જે બેન્ક ઓફ બરોડામાં પોતાના રૂપિયા લેવા આવ્યા હતા. પૈસા ઉપાડી રિક્ષાની રાહ જોઇ રહ્યા હતા ત્યાં અચાનક કોઈ 2 ઈસમો આવ્યા તેમાંથી એક ભૂરા શર્ટ વાળો પાછળ બેઠેલો હતો. તેણે માજી પાસેથી ઝુંટવીને પૈસા પડાવી લઈ ફરાર થઈ ગયા હતા. આરોપીઑ પ્રીતમ રોડ તરફ નીકળી ગયા હતા. માજી ચાલતા ચાલતા આવ્યા ત્યારે પૂછ્યું રાહદારીઓ પૂછ્યું કે થેલીમાં શું હતું ત્યારે માજીએ કહ્યું કે 60 હજાર રૂપિયા મોબાઈલ અને ઘરની ચાવીઓ હતી જે કોઈ ઝુંટવીને લઈ ગયું'.