ચોરોની બદમાશ ટોળકીએ કરી ચોરી બોલિવૂડ ફિલ્મ ધૂમ સ્ટાઇલમાં એક સ્કૂલમાં ચોરી કરી હતી. સાથે જ ગેંગના સભ્યોએ પોલીસને પકડવા માટે લેખિત ચેલેન્જ પણ આપી હતી.
ધૂમ સ્ટાઇલમાં એક સ્કૂલમાં ચોરી
ચોરોએ બ્લેકબોર્ડ પર એક શિક્ષકનો નંબર લખ્યો
પોલીસને પણ કહ્યું શોધી શકો તો શોધી લ્યો
Its me Dhoom 4
ઓડિશાના નબરંગપુર જિલ્લાની ઇન્દ્રવતી હાઇસ્કૂલમાં થયેલી ચોરી ચર્ચાનો વિષય બની છે. ચોરોએ શાળામાંથી કમ્પ્યુટર, પ્રિન્ટર, ઝેરોક્ષ મશીનો અને અન્ય કિંમતી ચીજવસ્તુઓની લૂંટ ચલાવી હતી. બ્લેક બોર્ડ પર 'Its me Dhoom 4' પણ લખ્યું છે. એટલું જ નહી તેણે પોલીસને પડકાર ફેંકતા પણ લખ્યું હતું કે જો તમે મને પકડી શકો, તો પકડી બતાઓ. હાલ પોલીસ ઘટનાની તપાસ કરી રહી છે.
કોમ્પ્યુટર, પ્રિન્ટર, ઝેરોક્ષ મશીનની ચોરી
જાણકારી મુજબ શનિવારે સ્કૂલના પટાવાળાએ જોયું કે ઓફિસના મુખ્ય ગેટનું તાળું તૂટેલું છે. તેમજ એક રૂમમાંથી કોમ્પ્યુટર, પ્રિન્ટર, ઝેરોક્ષ મશીન અને અન્ય કિંમતી ચીજવસ્તુઓની ચોરી થઇ છે. ત્યારે પટાવાળાએ હેડમાસ્તરને ઘટનાની સંપૂર્ણ માહિતી આપી હતી. જેના પગલે સ્થાનિક ખાટીગુઢાં પોલીસ સ્ટેશનમાં ફરિયાદ નોંધી હતી.
બ્લેકબોર્ડ પર એક શિક્ષકનો નંબર
શાળામાં 'Its me Dhoom 4' લખીને ચોરી કરવાની રીત અને પોલીસને પડકારીને જિલ્લામાં ચર્ચાનો વિષય બન્યો છે. સાથે જ ચોરોએ ચોરી બાદ બ્લેકબોર્ડ પર અનેક ફોન નંબર પણ લખ્યા હતા. જેમાં એ વાત ત્યારે સામે આવી જ્યારે બ્લેકબોર્ડ પર લખેલો એક નંબર સ્કૂલ ટીચરનો નીકળ્યો. સાથે જ શિક્ષકે કહ્યું કે આ ઘટના સાથે મારો કોઇ સંબંધ નથી. ચોરોએ બ્લેકબોર્ડ પર મારો મોબાઇલ નંબર કેમ લખ્યો છે ? મને ખબર નથી.
— Controversial Odisha (Wear a Mask, Stay Safe) (@COdisha_News) July 4, 2022
તપાસ ચાલુ છે
નબરંગપુરના એસપી એસ સુશ્રીએ જણાવ્યું કે, આ કેસની તપાસ હજુ ચાલી રહી છે. જો કે ચોરાયેલી વસ્તુઓ અંગે તેમણે કોઇ વિગતો આપી ન હતી. સ્થાનિક પોલીસ સ્થળ પર ચેકિંગ કરીને અને સ્નિફર ડોગ્સ દ્વારા ચોરોને પકડવાનો પ્રયાસ કરી રહી છે. એક વરિષ્ઠ પોલીસ અધિકારીએ જણાવ્યું કે ચોર ગમે તેટલો હોશિયાર હોય, પણ તે પોલીસથી બચી શકતો નથી. અમે આ ઘટનાની તપાસ કરી રહ્યા છીએ અને ટૂંક સમયમાં ચોરોને પકડવામાં આવશે. શાળાના હેડમાસ્તર સર્વેશ્વર બેહરાએ જણાવ્યું હતું કે, તાજેતરમાં જ શાળાના બે શિક્ષકો માટે વિદાય સમારંભ યોજાયો હતો. તહેવારમાં કેટલીક સંગીતના સાધનો પણ ચોરોએ ચોરી કરી છે. પોલીસ ઘટનાની તપાસ કરી રહી છે. અમે આશા રાખીએ છીએ કે પોલીસ ટૂંક સમયમાં ગુનેગારોને પકડશે અને અમને અમારી કિંમતી ચીજો મળી જશે.
આ રીતે અન્ય ચોરીઓ પણ થઇ છે
આ જિલ્લામાં ચોરો આ જ રીતે ઘણી સ્કૂલોમાં ચોરી કરી ચૂક્યા છે. ચોરોનો મુખ્ય હેતુ કમ્પ્યુટર અને ઇલેક્ટ્રોનિક સામાનની ચોરી કરવાનો છે. સ્થાનિકોએ જિલ્લા વહીવટીતંત્રને સરકારી કચેરીઓમાં સુરક્ષા વ્યવસ્થા વધારવાની માંગ કરી છે.