પંજાબમાં શક્તિપ્રદર્શન / ધમાકેદાર જીત બાદ અમૃતસરમાં 'આપ'નો મેગા રોડ શો, કેજરીવાલને જોવા લોકોએ પડાપડી કરી

• પંજાબમાં આપનો મેગા રોડ શો
• પ્રચંડ જીત બાદ જનતાનો આભાર માન્યો
• 16 માર્ચે મુખ્યમંત્રીનો શપથગ્રહણ સમારંભ

પંજાબના મુખ્યમંત્રી પદના પ્રબળ દાવેદાર ભગવંત માને અમૃતસરમાં એરપોર્ટ પર રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ તથા પાર્ટી નેતા મનીષ સિસોદીયાને આવકાર્યા હતાં. પંજાબ ચૂંટણીમાં ભારે જીત બાદ ભગવંત માન આજે અરવિંદ કેજરીવાલ સાથે રોડ શો કર્યો હતો. આ અગાઉ ભગવંત માન અને અરવિંદ કેજરીવાલે શ્રી હરમંદિર સાહેબ પહોંચ્યા, જ્યાં માથું ટેકવ્યું હતું. ત્યાર બાદ જલિયાંવાલા બાગ, શ્રી દુર્ગ્યાણા મંદિર પણ પહોંચ્યા હતા.

#WATCH Aam Aadmi Party national convener Arvind Kejriwal and Punjab CM designate Bhagwant Mann hold victory roadshow in Amritsar pic.twitter.com/KqiseFyZHR

— ANI (@ANI) March 13, 2022

દેશભક્તિના ગીતો સાથે રોડ શો

અરવિંદ કેજરીવાલ સીએમ ચહેરો ભગવંત માન સાથે અમૃતસરમાં રોડ શો કરી રહ્યા છે. દેશભક્તિ ગીતો સાથે તેઓ પંજાબના લોકોનો ધન્યવાદ કરી રહ્યા છે. પોસ્ટરોમાં ધન્યવાદ પંજાબ લખ્યું છે. મોટી સંખ્યામાં લોકો ભગવંત માન અને અરવિંદ કેજરીવાલને જોવા માટે પહોંચ્યા હતા. લગભગ દોઢ કિમી સુધી લાંબો રોડ શો હતો. વિજય માર્ચમાં આમ આદમી પાર્ટીના તમામ ધારાસભ્યો જોડાયા હતા.

#WATCH Punjab CM designate Bhagwant Mann and AAP national convener Arvind Kejriwal visit Golden Temple in Amritsar#Punjab pic.twitter.com/OyYlg9YB15

— ANI (@ANI) March 13, 2022

શહીદ ભગત સિંહના ગામમાં શપથગ્રહણ

શહીદ ભગત સિંહનું પૈતૃક ગામ નવાંશહરના ખટકડ કલામાં 16 માર્ચના રોજ મુખ્યમંત્રી તરીકે શપથ ભગવંત માન અને તેમનું મંત્રીમંડળ લેશે. શહીદ સ્મારક પાછળ સાત એકર જમીનમાં આ આયોજન કરવામાં આવશે. જરૂર પડતા આજૂબાજૂની જમીનનો પણ ઉપયોગ કરવામાં આવશે. નવાંશહરના ખટકડ કલાંમાં સહીદ સ્મારક પાછળ 13 એકર જમીન પર એક લાખ લોકોને બેસવાની વ્યવસ્થા કરવામાં આવી છે. 

માતાએ સૌ કોઈને આમંત્રણ આપ્યું, છ હજાર જવાન તૈનાત રહેશે

ભગવંત માનના શપથ ગ્રહણ દરમિયાન સુરક્ષાનું ખાસ ધ્યાન રાખવામાં આવશે. જેમાં ચકલું પણ ફરકી શકશે નહીં. સમારંભ સ્થળ પર ખાસ ચોકી બનાવામાં આવી છે. છ હજાર પોલીસ જવાન તૈનાત કરી દેવામાં આવશે. આ ઉપરાંત સીઆઈડી અને અન્ય ગુપ્તચર એજન્સીઓની સમગ્ર નજર સમારંભ પર રહેશે. શપથગ્રહણ સમારંભનું આમંત્રણ ભગવંત માન પહેલા જ પંજાબના લોકોને મોકલી ચુક્યા છે. 

કોની પાસે કેટલા ધારાસભ્યો

પંજાબ વિધાનસભા ચૂંટણીમાં આમ આદમી પાર્ટીને પ્રચંડ જનાદેશ મળ્યો છે. પાર્ટીએ 117માંથી 92 સીટો જીતી છે. કોંગ્રેસને 18 સીટ પર જીત મળી છે. શિઅદ અને બસપા ગઠબંધનને ચાર સીટ  અને ભાજપને બે સીટ મળી છે. તો વળી એક સીટ પર અપક્ષ ઉમેદવારની પણ જીત થઈ છે.