ગાંધીનગર / ગોલમાલઃ રોડ રસ્તાને નામે અને વાહન વેરાને નામે સરકારી ચોપડે છબરડાઃ  CAG

• ડામરના ભાવના તફાવતના ગોટાળા સામે આવ્યો
• તફાવતથી રૂ. 5.84 કરોડનો વધારાનો ખર્ચ થયો: કેગ 
• 7 RTO કચેરીમાં 780 વાહન પાસેથી નથી વસૂલાયો વેરો

માર્ગ મકાન વિભાગમાં ગોલમાલ

રાજ્યનું માર્ગ અને મકાન વિભાગમાં ગોલમાલ કરવામાં આવી છે.  માર્ગ અને મકાન વિભાગ મામલે CAG એ રિપોર્ટ રજૂ કર્યો છે. જેમાં ડામરના ભાવમાં તફાવત અને ગોટાળા સામે આવ્યા છે. આ તફાવતના કારણે 5.84 કરોડનો વધારાનો ખર્ચ થયો છે. એવું તપાસમાં સામે આવ્યું છે. 

રિપોર્ટમાં દાવો કરાયો છે કે ટેન્ડરમાં નિયત દરની પદ્ધતિ અપનાવવામાં નથી આવી. જેના કારણે ડામરનો વધારાનો બોજ પડ્યો. તો બીજી તરફ 3 કામમાં વધારાના 1.94 કરોડનો ખર્ચ થયો છે. તપાસમાં એવું પણ સામે આવ્યું કે સ્થળ પરની સ્થિતિને ધ્યાનમાં લીધા વિના જ ભાવ આપ્યા છે. અને ખોટા ભાવ સ્વીકારીને ખોટા દસ્તાવેજો બનાવવામાં આવે છે. અને આમ વધુ ભાવ ચૂકવવાથી કોન્ટ્રાક્ટરને 1.18 કરોડનો લાભ થયો છે

વાહન વ્યવહાર વિભાગમાં પણ ગોટાળો
રાજ્યમાં વાહન વ્યવહાર વિભાગમાં ગોટાળાઓ સામે આવ્યા છે. CAGના રિપોર્ટમાં આ ગોટાળા સામે આવ્યા છે. જેમાં રાજ્યની 7 RTO કચેરીમાં 780 વાહન પાસેથી વેરો ન વસૂલાયો હોવાનું તપાસમાં સામે આવ્યું છે. 2013-14થી 2016-17 દરમિયાન આ વાહનો પાસેથી વેરો નથી વસૂલાયો જેના કારણે સરકારની તિજોરીને 3.47 કરોડનું નુકસાન થયું છે.   

કચેરીમાં અલગ અલગ સોફ્ટવેરના કારણે પણ 21.93 લાખનો તફાવત સામે આવ્યો છે.. એવી પણ હકીકત સામે આવી છે કે ટેક્સ ડિફોલ્ટર લિસ્ટ મોડ્યુલ મુજબ 71.19 લાખ વેરો બતાવે છે. અને કલેક્શન ઓફ મોટર વ્હીકલ ટેક્સ મોડ્યુલ મુજબ 49.26 લાખનો વેરો બતાવવામાં આવ્યો છે.