IPLIN
 

સન્માન / ક્યારેય વિચાર્યું પણ ન્હોતું કે... કેનેડામાં પોતાનાં નામ પરથી રસ્તાનું નામકરણ થતાં ગદગદ થયા એ.આર.રહેમાન

Team VTV 05:46 PM, 29 Aug 22
Follow us
Road in Canada named after AR Rahman, Oscar-winning musician says 'Never imagined'

કેનેડાના મરખમ શહેરના એક રસ્તાનું નામ એ.આર.રહેમાનના નામ પરથી રાખવામાં આવ્યું છે. રહેમાને ટ્વીટ કરીને આ વાત જાણકારી આપી હતી.

  • કેનેડામાં એ.આર.રહેમાનને મળ્યું સન્માન
  • રસ્તાનું નામ એ.આર.રહેમાનના નામ પરથી રાખવામાં આવ્યું
  • 'મેં મારા જીવનમાં ક્યારેય આ વિશે કલ્પના પણ નહતી કરી- એઆર રહેમાન

ભારતીય ફિલ્મ સંગીતના દિગ્ગજ એઆર રહેમાનને હવે એક એવું સન્માન મળ્યું છે જેની એમને કલ્પના પણ નહતી કરી. કેનેડાના મરખમ શહેરના એક રસ્તાનું નામ એ.આર.રહેમાનના નામ પરથી રાખવામાં આવ્યું છે. રહેમાને ટ્વીટ કરીને આ વાત જાણકારી આપી હતી. આ માટે તેમણે મેયર અને ભારતના કોન્સ્યુલેટ જનરલ અપૂર્વ શ્રીવાસ્તવનો આભાર પણ માન્યો છે. 

એ.આર.રહેમાને લખ્યું હતું કે, 'મેં મારા જીવનમાં ક્યારેય આ વિશે કલ્પના પણ નહતી કરી. હું મરખનના​ મેયર ફ્રેન્ક સ્કાર્પિટી, ભારતીના કોન્સ્યુલેટ જનરલ અપૂર્વ શ્રીવાસ્તવ અને કેનેડાના લોકોનો આભારી છું. એઆર રહેમાન માત્ર મારું નામ નથી. તેનો અર્થ થાય છે દયાળુ. દયાળુ બનવું એ ભગવાનનો ગુણ છે જેમાં આપણે બધા માનીએ છીએ અને જેમના આપણે બધા જ ભક્તો છીએ.  એટલા માટે હું આશા રાખું છું કે આ નામ કેનેડાના લોકો માટે શાંતિ, સમૃદ્ધિ, સુખ અને સ્વાસ્થ્ય લાવશે. ભગવાન તમારા બધાની રક્ષા કરે.

મહાસાગરમાં માત્ર એક ટીપું 
રહેમાને આગળ લખ્યું હતું કે હું ભારતના દરેક લોકો પણ આભાર માનું છું જેમને મને આટલો પ્રેમ આપ્યો છે. તે બધા જ ક્રિએટિવ લોકો જેમને મારી સાથે કામ કર્યું છે જેમને મને આગળ વધવા માટે પ્રેરિત કર્યો છે. હું આ 100 વર્ષના સિનેમાના મહાસાગરમાં માત્ર એક ટીપું છું.' આગળ એમને લખ્યું હતું કે, ' મને લાગે છે કે આનાથી વધુ કામ કરવા માટે હવે મારી જવાબદારીઓ વધી ગઈ છે અને મારે વધુ પ્રેરિત પણ થવું પડશે. નથી થાકવાનું કે નથી રોકવાનું. તેમ છતાં જો હું થાકીશ તો મને યાદ રહેશે કે મારે ઘણું કરવાનું છે.' આ સાથે જ રહેમાને તે કાર્યક્રમની કેટલીક તસવીરો પણ શેર કરી હતી. 

એ.આર.રહેમાનના નામે બીજો રસ્તો 
એ.આર.રહેમાનના નામ પર કેનેડાના મરખમ શહેરમાં આ બીજો રસ્તો છે. અગાઉ 2017 માં પણ એઆર રહેમાને એક તસવીર શેર કરી હતી જેમાં એમને એક બોર્ડ પકડયું હતું. આ બોર્ડ પર લખ્યું હતું - અલ્લાહ રખા રહેમાન સ્ટ્રીટ.'

એ.આર.રહેમાન કેનેડા ar rahman canada
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ