ભમરીયા થી લાંભા સુધીનો રોડ છેલ્લા 3 વર્ષથી બિસ્માર હાલતમાં, બીજી તરફ રોડ પાસે આવેલ ટીપી 82 પર મસ્ત મજા નો રોડ મનપા દ્વારા બનાવી દેવાયો
AMCની બિલ્ડરોને લ્હાણી
જ્યાં જરૂર છે ત્યાં રસ્તો જ નથી
જ્યાં વસ્તી નથી ત્યાં ચકાચક રોડ
ચોમાસામાં અમદાવાદના રસ્તાઓની હાલત શું થાય છે, તેનાથી સૌકોઈ વાકેફ છે.જ્યારે નવા રસ્તા બનાવાની વાત આવે ત્યારે અમદાવાદ કોર્પોરેશનને ખબર જ નથી કે ક્યાં રસ્તાની જરૂર છે.ક્યા નથી.આવો જ અમદાવાદ મનપાનો બેદરકારી ભરેલો કિસ્સો સામે આવ્યો છે.જ્યાં કોર્પોરેશનને વસ્તી જ નથી રહેતી ત્યાં બિલ્ડરોને ફાયદો પહોંચાડવા માટે રસ્તો બનાવ્યો છે.અને જ્યાં રસ્તાની જરૂર છે.ત્યા કોર્પોરશન રસ્તો નથી બનાવી રહી.
ટીપી સ્કીમોમાં બાંધકામ શરૂ થયા તે પહેલા ચકાચક રોડ
અમદાવાદ, વડોદરા જેવા શહેરો દિવસે દિવસે વિકસિત થઈ રહ્યા છે.જેના કારણે વધુ ટીપી સ્કિમો પાડવામાં આવે છે અને ત્યાં રહેણાંક વિસ્તારો ઉભા કરવામાં આવે છે.જેમાં બિલ્ડરોને લાભ મળે તે માટે થઈને નવા રસ્તાઓ બનાવી આપવામાં આવે છે.ત્યારે વીટીવી ન્યૂઝે કરેલા રિયાલિટી ચેકમાં સામે આવ્યુ અમદાવાદ કોર્પોરેશન બુદ્ધીનું પ્રદર્શન કરતુ કારનામું.ભમરીયાથી લાંભા સુધીનો રોડ છેલા 3 વર્ષ થી બિસમાર હાલતમાં છે.રોજ મોટી સંખ્યામાં રાહદારી પસાર થાય છે, અકસ્માતો થાય છે.પણ કોર્પોરેશન ત્યાં રસ્તો ઠીક નથી કરી રહ્યું પણ વટવા ની ટીપી 128 કે જયાં હજુ ડેવલોપમેન્ટ જ નથી થયું ત્યાં અમદાવાદ કોર્પોરેશન દ્વારા ચાકચક રોડ બનાવી દેવામાં આવ્યો છે.આ ટીપી 82 પર હજુ તો બિલ્ડરો મકાનો બાંધવાની શરૂઆત કરી રહ્યા છે તે પેહલા જ રોડ બનાવી દેવામાં આવ્યો છે જેના કારણે સ્થાનિકો પણ રોષે ભરાયા છે.
હાઈકોર્ટની ફટકાર બાદ પણ જૈસે થે..!
એક તરફ જ્યાં ચોવીસ કલાક વાહનોની અવર જવર થઈ રહી છે.ત્યાં ત્રણ વર્ષથી રસ્તાની હાલત બિસ્માર છે.અનેક રજૂઆત અમદાવાદ કોર્પોરેશનમાં કરવામાં આવી છે.છતા કોર્પોરેશનના પેટનું પાણી હલતુ નથી.સ્થાનિકો કહી રહ્યા છે.કે ખરાબ રસ્તાના કારણે લોકોએ અકસ્માતમાં જીવ પણ ગુમાવ્યા છે.તો અન્ય સ્થાનિકો કોર્પોરેશન પર બિલ્ડરોને લાભ કરવા માટે જ્યા વસ્તી નથી ત્યાં રોડ બનાવી આપ્યાનો આરોપ લગાવ્યો હતો.અને વાત સાચી પણ છે.જ્યાં જરૂરિયાત જ નથી ત્યાં કોર્પોરેશને રોડ બનાવી કાઢ્યો છે. અમદાવાદ કોર્પોરેશનના નેતા વિપક્ષે કોર્પોરેશનના અધિકારી પર ભ્રષ્ટાચારનો આરોપ લગાવ્યો હતો.સાથે કહ્યુ કે હાઈકોર્ટની કોર્પોરેશનને આટલી ફટકાર પડી છતા સુધરતુ નથી.અને નવી ટીપીઓમાં બિલ્ડરોને લાભ થાય તે માટે કોર્પોરેશન રોડ બનાવે છે.અને કરોડો રૂપિયા દબાવે છે.
રોડમાં થયેલા ભ્રષ્ટાચાર અંગે સ્ટેન્ડિંગ કમિટી ચેરમેને ખુલાસા સાથે કરતા લુલો બચાવ કર્યો હતો. રોડ રસ્તાઓમાં ભ્રષ્ટ અને ખરાબ પદ્ધતીના કારણે હાઈકોર્ટ પણ અમદાવાદ કોર્પોરેશનને ખખડાવી ચુક્યુ છે.છતા કોર્પોરેશન સુધરવાનુ નામ નથી લઈ રહ્યું,.ઉપરથી લાભ ખાંટવા માટે બિલ્ડરોને લ્હાણી કરતુ થઈ ગયુ છે.હવે અક્કલ બાજુએ મુકેલા કોર્પોરેશને કોઈ સદ બુદ્ધી આપે તો સારું