અમદાવાદમાં આવેલા એસ.જી હાઈવે પરના પકવાન ચાર રસ્તા પાસે સર્વિસ રોડ પર ગત મોડી રાતે પૂરપાટ ઝડપે આવતી કાર ફૂટપાથ પર સુતેલા મજૂર પર ચઢી જતાં તેનું મોત થયું છે. આ અકસ્માત બાદ કારચાલક ફરાર થઈ ગયો છે.
શુક્રવારે મોડી રાત્રે 12 વાગ્યે આ ઘટના બની હતી. ઘટનામાં મૃતક મજૂર મૂળ રાજસ્થાનનો સુખલાલ દુબેવાલ નામનો વ્યક્તિ હતો. જેમની ઉમર 65 વર્ષની હતી. આ ઉપરાંત સુખલાલ પરિવાર સાથે આ ફૂટપાથ પર જ રહેતાં હતા. જેઓ રમકડાં વહેચવાનું અને છુટક મજૂરીનું કામ કરતાં હતાં.