સુરેન્દ્રનગર / લીંબડી-બગોદરા હાઇવે પર ગમખ્વાર અકસ્માતમાં 5નાં મોત, 1ને ઇજા

• લીંબડી-અમદાવાદ હાઇવે પર ગમખ્વાર અકસ્માત
• ટ્રક પાછળ કાર ઘુસી જતાં 5 લોકોનાં મોત
• કાનપરા ગામના પાટિયા પાસેનો બનાવ

સુરેન્દ્રનગર જિલ્લાનો આ હાઇવે રાજ્યના અકસ્માત ઝોનમાં પહેલા નંબરે હોય તેવું લાગી રહ્યું છે. આંતરે દિવસે અહીં ગમખ્વાર અકસ્માત સર્જાતા હોવા છતાં આ હાઇવે પર તેને રોકવાને લઇને કે ઓછા કરવાને લઇને સરકાર દ્વારા કોઇ પગલા લેવામાં આવી રહ્યાં નથી. 

પ્રાપ્ત મળતી વિગત અનુસાર સુરેન્દ્રનગર જિલ્લાના લીંબડી-બગોદરા હાઇ વે પર કાનપરા ગામના પાટિયા પાસે ગમખ્વાર અકસ્માત સર્જાયો છે. જેમાં ટ્રક પાછળ કાર ઘૂસી જતાં 5 લોકોનાં મોત નિપજ્યાં છે, જ્યારે એક અન્યને ગંભીર ઇજા પહોંચી છે. 

આ અકસ્માતની પોલીસને જાણ થતાં ઘટના સ્થળે પહોંચી ગઇ હતી. અકસ્માતને લઇને થોડીવાર માટે ટ્રાફિક જામના દ્રશ્યો જોવા મળ્યાં હતા. પોલીસે અકસ્માતને લઇને વધુ તપાસ હાથ ધરી છે. લીંબડી થી અમદાવાદ વચ્ચેના આ હાઇવે પર થોડા-થોડા દિવસે નાના-મોટા અકસ્માત સર્જાતા હોય છે.