પોસ્ટર વૉર / બિહારમાં લાલુ, નીતિશ અને કોંગ્રેસ વચ્ચેનું રાજકારણ લોકો માટે બન્યું મનોરંજન

• પટનામાં લાલૂ યાદવ પર નિશાન સાધતા પોસ્ટર લગાવાયા
• કોંગ્રેસે પણ નીતિશ કુમાર પર નિશાન સાધતા પોસ્ટર લગાવ્યા
• કોંગ્રેસે પણ નીતિશ કુમાર પાસે માગ્યો હિસાબ

બિહારમાં RJD, JDU અને કોંગ્રેસ વચ્ચે પોસ્ટરવોર શરૂ

બિહારમાં RJD, JDU અને કોંગ્રેસ વચ્ચે પોસ્ટરવોર શરૂ થઈ ગયો છે.  RJDએ પોસ્ટર લગાવ્યાં હોઈ તેનાં પલટવાર કરતા JDUએ તાબડતોબ નવા પોસ્ટર લગાવ્યાં છે જેમાં  લાલૂ યાદવ પર નિશાન સાધતા પોસ્ટર લગાવાયા છે. જેમાં લાલૂ યાદવ પર પરિવારમોહને લઈ પ્રહાર કરાયો છે. લાલુની સાથે સાથે એક જીનને પણ બતાવવામાં આવ્યો છે. પોસ્ટરમાં જીન લાલુને કહે છે કે હવે તે તેની વાતમાં નહીં આવે. 

RJDની સત્તા દરમિયાન આ સ્લોગન વાપરવામાં આવ્યું

પોસ્ટરમાં લાલુ અને નીતિશની સરખામણી કરવામાં આવી છે. જેમાં RJDને લઈને પોસ્ટપરનાં અડધા ભાગમાં લાલુની વાતમાં બિહારની જનતા એવું કહેતી દર્શાવી છે કે જ્યારે રખવાળા જ ચોરી કરે તો તેને સીનાજોરી કરી કહેવાય.  RJDની સત્તા દરમિયાન આ સ્લોગન વાપરવામાં આવ્યું હતું. 

Bihar: Posters against RJD chief Lalu Prasad Yadav and CM & JD(U) chief Nitish Kumar, seen in Patna. (06.02.2020) pic.twitter.com/vapTE5A0LE

— ANI (@ANI) February 6, 2020

JDUએ કામ પણ દર્શાવ્યું

JDU તરફથી જાહેર કરવામાં આવેલા પોસ્ટરમાં RJD તરફથી લગાવાયેલા આક્ષેપોનો જવાબ પણ આપવામાં આવ્યો છે. બિહારમાં વિકાસ, રોજગાર, ન્યાય, રોટી, સુરક્ષા, શિક્ષણ અને સ્વાસ્થ્યના ક્ષેત્રમાં કરવામાં આવેલી કામગીરી દર્શાવવામાં આવી છે.  પોસ્ટરમાં ન્યાયને લઈને દર્શાવવામાં આવેલા ફોટામાં JDUનાં લાલુની સાથે સાથે શહાબુદ્દીન અને રાજવલ્લભને જેલના સળીયા પાછળ બતાવ્યાં છે. 

કોંગ્રેસે પણ નીતિશ કુમાર પાસે માગ્યો હિસાબ

કોંગ્રેસે પણ નીતિશ કુમાર પર નિશાન સાધતા પોસ્ટર લગાવ્યા છે. પોસ્ટરમાં નીતિશ કુમાર પાસે હિસાબ માગ્યો છે. આ વર્ષે બિહાર વિધાનસભાની ચૂંટણી યોજાવાની છે. ત્યારે ચૂંટણી પહેલા હાલ RJD,JDU અને કોંગ્રેસ વચ્ચે પોસ્ટરવોર શરૂ થઇ ગયો છે.