શું છે સત્ય ? / યુઝવેન્દ્ર ચહલ સાથે રિલેશનશીપમાં છે RJ મહવશ? ધનશ્રી સાથે છૂટાછેડાના સમાચાર વચ્ચે કર્યો ખુલાસો

આરજે મહવશ તાજેતરમાં એક વાયરલ ફોટોને કારણે ચર્ચામાં આવી હતી જેમાં તે ક્રિસમસની ઉજવણીમાં ક્રિકેટર યુઝવેન્દ્ર ચહલ સાથે જોવા મળી હતી. યુઝવેન્દ્ર અને તેની પત્ની ધનશ્રી વર્મા વચ્ચે છૂટાછેડાની અફવાઓ ફેલાતા સોશિયલ મીડિયા યુઝર્સે મહવશ અને ચહલ વચ્ચેના સંબંધો વિશે વિવિધ અટકળો લગાવી. હવે આરજે મહવાશે આ અફવાઓ અંગે પોતાનો અભિપ્રાય આપ્યો છે.

મહવશે ઇન્સ્ટાગ્રામ સ્ટોરીઝ પર એક નોંધ શેર કરી જેમાં તેણીએ ટ્રોલર્સને ચેતવણી આપી અને કહ્યું કે આ અફવાઓ સંપૂર્ણપણે પાયાવિહોણી છે. તેણીએ લખ્યું, ઇન્ટરનેટ પર કેટલાક લેખો અને અફવાઓ ફરતી થઈ રહી છે અને તે જોઈને ખરેખર રમુજી લાગે છે કે તે કેટલા પાયાવિહોણા છે. જો તમને કોઈ વ્યક્તિ સાથે જોવા મળે છે, તો શું તેનો અર્થ એ છે કે તમે તેમને ડેટ કરી રહ્યા છો? માફ કરશો આ ક્યુ વર્ષ છે ? અને તમે કેટલા લોકોને ડેટ કરી રહ્યા છો? મહવશે આગળ કહ્યું, હું 2-3 દિવસ સુધી શાંત હતી પણ હવે હું નથી ઇચ્છતી કે કોઈ પીઆર ટીમ મારી છબી ખરાબ કરવા માટે ઉપયોગમાં લેવાય. લોકોએ મુશ્કેલ સમયમાં પોતાના મિત્રો અને પરિવાર સાથે શાંતિથી રહેવાની તક મળવી જોઈએ.

વધુ વાંચો : 'સત્ય હોય પણ ખરું અને ન પણ' ધનશ્રી સાથે તલાકની ચર્ચા વચ્ચે ચહલે લખી લાંબી લચક પોસ્ટ

યુઝવેન્દ્ર ચહલ અને ધનશ્રી વર્મા વચ્ચેના સંબંધોમાં તણાવની અફવાઓ આ મહિને ફેલાવા લાગી, જ્યારે સોશિયલ મીડિયા યુઝર્સે જોયું કે બંનેએ એકબીજાને ઇન્સ્ટાગ્રામ પર અનફોલો કરી દીધા છે. જોકે, બંનેએ આ અંગે મૌન ધારણ કર્યું છે. ધનશ્રીએ એક નોંધ પણ શેર કરી જેમાં તેણીએ અફવાઓને પાયાવિહોણી ગણાવી અને કહ્યું કે તેણીનું મૌન નબળાઈની નહીં પણ શક્તિની નિશાની છે. તમને એ પણ જણાવી દઈએ કે આ દિવસોમાં ધનશ્રી વર્માનું નામ કોરિયોગ્રાફર પ્રતીક ઉતેકર સાથે જોડાઈ રહ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ