ગુલાબ વાવાઝુડાની વિપરીત અસર દક્ષિણ ગુજરાતમાં જોવા મળી છે તેમાંય પણ ખાસ નવસારીમાં ભારે વરસાદ અને ઉપરવાસમાંથી નદીઓમાં છોડવાના કારણે નદીઓ ગાંડીતૂર બની જવા પામી છે.
વેગણિયા ખાડી પર આવેલ લો લેવલ બ્રિજ ચોથી વખત ગરકાવ થયો
સુપા કુરેલ ગામને જોડતો પુલ પાણી ગરકાવ થતાં લોકોને હાલાંકી
વરસાદના કારણે અંબિકા, કાવેરી નદીના જળસ્તરમાં થયો વધારો
નવસારી જિલ્લાનું વહીવટી તંત્ર અલર્ટ પર
વેગણિયા ખાડી પર આવેલ લો લેવલ બ્રિજ મૌસમમાં ચોથી વખત ગરકાવ થયો
ગુલાબ નામના વાવાઝુડા ની વિપરીત અસર દક્ષિણ ગુજરાતમાં જોવા મળી રહી છે. નવસારી જિલ્લામાં ઉપરવાસ પડેલા ભારે વરસાદે જિલ્લાની નદીઓને ગાંડીતૂર બની જવા પામી છે. બીજી બાજુ ગણદેવી શહેરની વેગણિયા ખાડી પર આવેલા લો લેવલ બ્રિજ મૌસમમાં ચાર વખત ગરકાવ થયો છે. જેને લઈને 250થી વધુ પરિવારોને મુશ્કેલીનો સામનો કરવાનો વારો આવ્યો છે. તો વળી નદીના ધસમતાં પ્રવાહમાં બ્રિજ પર અમુક લોકો જોખમી રીતે ઉભેલા નજરે ચઢ્યા હતાં.
સુપા કુરેલ ગામનો પુલ પાણી ગરકાવ થતાં લોકોને હાલાંકી
ઉપરવાસ અને નવસારી જિલ્લામાં પડેલા ભારે વરસાદના કારણે જિલ્લાની નદીઓ બે કાંઠે વહી રહી છે. જેને લઈને સુપા કુરેલ ગામને જોડતો લો લાઇન પુલ પાણીમાં ડૂબ્યો છે. જ્યારે પૂર્ણા નદીમાં પાણીની આવક થતા લો લાઇન પુલ પર પાણી ફરી વળ્યા છે. જેને લઇ સ્થાનિક લોકોને 10 કિમી ફરીને જવું પડી રહ્યું છે
નદીઓ તોફોની બનતાં લો લેવલ બ્રિજ પાણીમાં ડૂબ્યો
નવસારી જિલ્લામાં પડેલા ભારે લઇને નદીઓ તોફાની બની જવા પામી છે. નવસારી જિલ્લાના ગણદેવીની વેગણિયા ખાડી પરનો લો લેવલ બ્રિજ પાણીમાં ગરકાવ થઈ જવા પામ્યો છે.આમ બ્રિજ બંધ થતા સ્થાનિકોને મુશ્કેલી મુકાી જવા પામ્યાં હતાં.
નવસારી જિલ્લાનું વહીવટી તંત્ર અલર્ટ પર
ગુલાબ વાવાઝોડાના પગલે નવસારી વહીવટી તંત્ર એલર્ટ મોડ પર આવી ગયું છે. અને ભારે વરસાદની આગાહીના પગલે વહીવટી તંત્રએ કાંઠા વિસ્તારોના ગામોમાંથી લોકોનું સ્થળાંતર કરવાની તૈયારીઓ શરૂ કરી દેવામાં આવી છે. આ સાથે જિલ્લા કલેકટરે અધિકારીઓને હેડક્વાર્ટર ન છોડવા માટે સૂચના આપવામાં આવી છે. તેમજ ખલાસીઓને પણ દરિયો ન ખડેવાની સૂચાનાઓ પણ આપવામાં આવી છે.
ભારે વરસાદના કારણે નદીના જળસ્તરમાં થયો વધારો
નવસારીમાં છેલ્લા 24 કલાકથી પડી રહેલા ભારે વરસાદના કારણે નદીઓ પાણીની આવકમાં વધારો થયો છે. તો વળી કેટલીક નદીઓ તો ગાંડીતૂર બની વહેવા લાગી છે. ત્યારે નવસારી અને દક્ષિણ ગુજરાત સહિત અંબિકા, કાવેરી નદીઓના જળસ્તરોમાં વધારો થયો છે. જેને લઈને ચીખલી નજીક આવેલો બંધારો ઓવર ફ્લો થયો જેને લઈને ગ્રામજનો અને વહીવટી તંત્રને ભારે મુળશ્કેલીનો સામાનો કરવો પડી રહ્યો છે.