કોરોના વાયરસના કારણે દેશભરમાં લોકડાઉન જાહેર કરવામાં આવેલ છે. લોકડાઉનના પગલે એક્સમયે લોકોની ભીડથી ધમધમતા સ્થળોમાં હવે સૂનકાર પ્રસરી ગયો છે. ભારત એક ગીચ વસ્તી ધરાવતો દેશ છે એવામાં ક્યારેય જોવા ન મળ્યા હોય તેવા દ્રશ્યો આ લોકડાઉનમાં જોવા મળી રહ્યા છે.
ગંગા-યમુના સહીતની નદીઓ સ્વચ્છ થઇ ગઈ
લોકડાઉનના કારણે જે ક્યારેય ન થયું તેવા દ્રશ્યો દેખાયા
પાણીના શુદ્ધિકરણ પાછળ કરોડોનું પાણી કર્યું પણ પહેલા ન હતી દેખાતી આવી અસર
કોરોના વાયરસના કારણે લોકો ઘરે બેઠા છે. લોકડાઉનના કારણે ઘણા બધા ઉદ્યોગો પણ બંધ કરવામાં આવી રહ્યા છે. જેના કારણે ઘણી બધી નદીઓમાં તેની અસર જોવા મળી રહી છે. લોકડાઉન બાદ નદીઓના પાણીમાં પહેલાં કરતા વધુ સ્વચ્છતા જોવા મળી રહી છે.
ભારત સરકાર અને વિવિધ રાજ્ય સરકાર દ્વારા નદીઓના શુદ્ધિકરણ પાછળ કરોડો રૂપિયા ખર્ચવામાં આવે છે. છતાં ઘણી બધી નદીઓમાં આ પૈસાનું પાણી થઇ જાય છે, ત્યારે લોકડાઉનના કારણે હવે કુદરત જાતે જ સોળે કળાએ ખીલી રહ્યું હોય તેવું લાગી રહ્યું છે. લોકડાઉનના કારણે નદીઓમાં સ્નાન પણ બંધ હોવાથી પાણી નિર્મળ લાગી રહ્યુ છે.