રીવાબાના નણંદ અને સસરાએ ખુલ્લેઆમ કોંગ્રેસ માટે પ્રચાર કર્યો હતો સાથે જ રિવાબાને વોટ ન આપવા માટે અપીલ કરી હતી. હાલ રિવાબાએ તે વાતને લઈને મૌન તોડ્યું.
રવીન્દ્ર જાડેજાની બહેન અને પિતાએ ખુલ્લેઆમ કોંગ્રેસ માટે પ્રચાર કર્યો હતો
રીવાબાએ એ વાતને લઈને મૌન તોડ્યું
વાયરલ થયો રિવાબાના સસરાનો વિડીયો
આ મારા સસરાનો નહીં પણ કોંગ્રેસના કાર્યકરનો વીડિયો છે - રિવાબા
ગુજરાત વિધાનસભાની ચૂંટણીમાં ભાજપના ઉમેદવાર અને ટીમ ઈન્ડિયાના સ્ટાર ક્રિકેટર રવિન્દ્ર જાડેજાના પત્ની રીવાબાને ઘરના તેમના આંગણે જ વિરોધનો સામનો કરવો પડી રહ્યો છે. જણાવી દઈએ કે બુધવારે રીવાબાના નણંદ અને સસરાએ એટલે કે રવીન્દ્ર જાડેજાની બહેન અને તેમના પિતાએ ખુલ્લેઆમ કોંગ્રેસ માટે પ્રચાર કર્યો હતો, એટલું જ નહીં લોકોને રીવાબાને મત ન આપવાની અપીલ પણ કરી હતી. જો કે એ પછી હાલ રીવાબાએ પણ એ વાતને લઈને મૌન તોડતા કહ્યું હતું કે તેમના સસરા અને નણંદ કોંગ્રેસના સમર્થક છે અને આ તેમની વિચારધારા છે, આ માટે લોકશાહીમાં દરેક વ્યક્તિ સ્વતંત્ર છે પણ આ કારણે તેમના ઘરમાં કોઈ તણાવ નથી.
આ માત્ર વિચારધારાની વાત છે
ઉત્તર જામનગરથી ચૂંટણી લડનાર રીવાબાએ આ વિશે વાત કરતાં કહ્યું હતું કે, 'આ માત્ર વિચારધારાની વાત છે પણ તેનો અર્થ એવો ન લેવો જોઈએ કે તેમના ઘરમાં કોઈ વિવાદ છે. આ લોકશાહીમાં દરેકને પોતાની ઈચ્છા મુજબ રાજકીય વિચારો રાખવાનો અને પોતાની પસંદગીના ઉમેદવારને મત આપવાનો અધિકાર છે. જો કે આવું પહેલીવાર થઈ રહ્યું છે કે એક જ ઘરમાં અલગ-અલગ વિચારધારાના લોકો હોય પણ મને મારા મતવિસ્તારના મતદારો અને પતિ રવિન્દ્ર જાડેજામાં સંપૂર્ણ વિશ્વાસ છે અને આ બેઠક પર ભાજપ ચોક્કસપણે જીતશે.
વાયરલ થયો રિવાબાના સસરાનો વિડીયો
રવિબાના નણંદ નયનાબા કોંગ્રેસના સક્રિય કાર્યકર છે અને તેઓ ઉત્તર જામનગર પ્રદેશમાંથી કોંગ્રેસના ઉમેદવારની તરફેણમાં પ્રચાર કરી રહી છે. આ ઉપરાંત બુધવારે નયનાબા સાથે તેના પિતા એટલે કે રિવાબાના સસરા પણ ચૂંટણી પ્રચાર માટે બહાર આવ્યા હતા અને એમનો એક વીડિયો પણ સોશિયલ મીડિયા પર વાયરલ થયો હતો. આ વિડીયોમાં કોંગ્રેસના ઉમેદવાર માટે પ્રચાર કરતી વખતે એમને લોકોને રીવાબાને મત ન આપવા અપીલ કરી હતી. જો કે આ વીડિયો સામે આવ્યા બાદ એવી અટકળો લગાવવામાં આવી રહી હતી કે રાજનીતિના કારણે રિવાબાના ઘરમાં તણાવની સ્થિતિ સર્જાઈ ગઈ છે. આવી જ અટકળો પર પૂર્ણવિરામ લગાવતા રિવાબાએ પોતે જ દરેકને જવાબ આપ્યો છે.
Cricketer Ravindra Jadeja going against his father's wish ?
સસરાનો નહીં પણ કોંગ્રેસના કાર્યકરનો વીડિયો
આ વિશે મીડિયાના સવાલોના જવાબ આપતા રિવાબાએ કહ્યું હતું કે 'આ વિડીયો મારા સસરાનો નથી પણ તે કોંગ્રેસના કાર્યકરનો વિડીયો છે. ઘરમાં દરેક વ્યક્તિ એક પરિવારની જેમ છે, હવે તેમની વિચારધારા કોંગ્રેસને હળતી-મળતી છે એટલા માટે તેઓ તેમના માટે પ્રચાર કરી રહ્યા છે અને હું અને મારા પતિ વડાપ્રધાન નરેન્દ્ર મોદીના પગલે ચાલવાનો પ્રયાસ કરી રહ્યા છે. મોદી દેશ માટે કામ કરી રહ્યા છે. જો કે હું પ્રથમ વખત ચૂંટણી મેદાનમાં ઉતરી છું અને મને ઘણું શીખવા મળ્યું છે.'