ગુજરાત વિધાનસભા ચૂંટણી જાહેર થયા બાદ ભાજપે પોતાના ઉમેદવારોની યાદી જાહેર કરતા પહેલા ઉમેદવારોના નામો પર ઘણું મંથન કર્યું. પાર્ટીએ ક્રિકેટર રવિન્દ્ર જાડેજાના પત્ની રિવાબા જાડેજા ટિકિટ આપી છે.
ભાજપે 160 ઉમેદવારોની યાદી કરી જાહેર
69 વર્તમાન ધારાસભ્યોને ફરી કરાયા રિપીટ
14 મહિલા ઉમેદવારોને પણ મળી ટિકિટ
હકુભાની જગ્યાએ રિવાબા જાડેજાને ટિકિટ
ગુજરાત વિધાનસભાની ચૂંટણીનું બ્યુગલ વાગી ગયું છે. રાજ્યમાં છેલ્લા છ ટર્મથી ભાજપ સત્તા પર છે. ભાજપ આ અજેય કિલ્લો ગુમાવવાના મૂડમાં નથી. તેથી તે ખૂબ જ કાળજીપૂર્વક ઉમેદવારોની પસંદગી કરી રહી છે. આ કડીમાં પાર્ટીએ ક્રિકેટર રવિન્દ્ર જાડેજાના પત્ની રીવાબા જાડેજાને રાજકીય મેદાનમાં ઉતારવાનો નિર્ણય કર્યો છે. પાર્ટીએ તેમને જામનગર ઉત્તરથી પોતાના ઉમેદવાર બનાવ્યા છે.
હકુભાની જગ્યાએ રીવાબાને મળી ટિકિટ
જામનગર ઉત્તર બેઠક પરથી ધમેન્દ્રસિંહ મેરુભા જાડેજા (હકુભા)ની ટિકિટ કાપવામાં આવી છે. તેમની જગ્યાએ રવિન્દ્ર જાડેજાના પત્ની રીવાબા જાડેજાને ટિકિટ આપવામાં આવી છે. જામનગર ઉત્તર 78 વિધાનસભા બેઠકમાં દાવેદારીને લઇને લાંબા સમયથી અટકળો ચાલી રહી હતી જેનો હવે અંત આવ્યો છે.
બહેન પણ લડી શકે છે ચૂંટણી
ભારતીય ક્રિકેટ ટીમના ઓલરાઉન્ડર રવિન્દ્ર જાડેજાના પત્નીને ભાજપે પોતાના ઉમેદવાર જાહેર કર્યા છે. એવી અટકળો છે કે તેમના બહેન નયનાબા પણ કોંગ્રેસમાંથી ચૂંટણી લડી શકે છે. રવિન્દ્ર જાડેજાના પત્ની રીવાબા 2019ની લોકસભા ચૂંટણી પહેલા ભાજપમાં જોડાયા હતા. થોડા સમય પછી તેમના બહેન કોંગ્રેસમાં જોડાયા. પાર્ટીએ તેમને જિલ્લા અધ્યક્ષ બનાવ્યા. તેઓ રાજનીતિમાં ખૂબ જ સક્રિય છે અને લોકોની વચ્ચે તેમનું ઘણુ વર્ચસ્વ છે.
કોણ છે રિવાબા જાડેજા?
રીવાબા ગુજરાતના રાજકોટના છે. તેના પિતા બિઝનેસમેન છે. મિકેનિકલ એન્જિનિયરિંગનો અભ્યાસ કર્યા બાદ તેઓ લાંબા સમયથી સામાજિક કાર્યોમાં સક્રિય છે. વર્ષ 2016માં તેમણે ભારતીય ક્રિકેટર રવિન્દ્ર જાડેજા સાથે લગ્ન કર્યા હતા.
ભાજપમાં જોડાતા પહેલા રીવાબા રાજપૂત સમુદાયના સંગઠન કરણી સેનાના સભ્ય રહી ચૂક્યા છે. તેઓ 2019ની લોકસભા ચૂંટણી પહેલા ભાજપમાં જોડાયા હતા. ત્યારથી તેઓ પાર્ટીના કાર્યક્રમોમાં સ્ટેજ પર જોવા મળે છે.