અત્યારે કોરોના વાયરસનો પ્રકોપ આખી દુનિયામાં છવાયેલો છે. આ વૈશ્વિક મહામારીથી લોકો આર્થિક રીતે બેહાલ થઇ ગયા છે. આ કોરોના કાળમાં ઘણા લોકોએ તેમની નોકરી ગુમાવી છે. ઘણા લોકો બેરોજગાર થઇ ગયા છે. એવામાં પરિવારનું પેટ પાળવા માટે લોકો કોઈપણ નાનું મોટું કામ કરવા તૈયાર થઇ ગયા છે. સોશ્યલ મીડિયા ઉપર આવી એક વયોવૃદ્ધ મહિલાનો વીડિયો વાયરલ થયો છે.
આ દાદી પૈસા માટે સડક ઉપર કરતબો કરી રહ્યા છે. એક સાહસિક અને ખુદ્દાર મહિલા તરીકેનો આ વીડિયો જોઈને તમારી આંખો ભીની થઇ જશે અને તમારું માથું ગર્વથી ઊંચું થઇ જશે. હવે આ વીડિયો જોઈને હવે બોલીવુડ અભિનેતા રિતેશ દેશમુખ તેમની મદદ માટે આગળ આવ્યા છે.
Thank you so much -we have connected with this inspiring warrior Aaji Maa - incredible story. https://t.co/RuCfoZIi7M
આ ઉંમરે પણ આ વૃદ્ધ મહિલા બામ્બુ સ્ટિક સાથે કરતબ કરીને પોતાનું પેટ ભરવા માટે મજબૂર છે. તેઓ પેટ તરફ ઈશારો કરીને લોકોને કહે છે કે આનાથી તેઓ પોતાનું પેટ ભરે છે. તેમની મહેનત અને લગન જોઈને દરેક વ્યક્તિ તેમના વખાણ કરી રહ્યા છે. તેમને વોરિયર માજીનું હુલામણું નામ આપવામાં આવ્યું છે. એવું કહેવાય છે કે તેમની ઉંમર 85 વર્ષની છે.
રિતેશ દેશમુખે સોશ્યલ મીડિયા ઉપર ટ્વીટ કરીને આ વૃદ્ધ મહિલાનો વીડિયો શેર કરીને તેમના વિષે જાણકારી માંગી હતી જેથી તેઓ તેમની મદદ કરી શકે. તેમને આમ કરવામાં સફળતા પણ મળી. તેમણે ટ્વીટ કરીને કહ્યું કે મહિલાનો સંપર્ક થઇ ગયો છે.