ભારત અને ચીન વચ્ચે ચાલી રહેલા સંઘર્ષ વચ્ચે ચાલબાજ ચીન હવે એકલું પડી રહ્યું છે. વિશ્વની મહાશક્તિઓ એક થઇને ચીન વિરુદ્ધ મોરચો માંડી રહી છે. ત્યારે હવે ઓસ્ટ્રેલીયાના વડાપ્રધાને પણ ચીનને ટક્કર આપવા માટે ઇન્ડો-પેસિફિક ક્ષેત્રમાં સેનાને વધુ મજબૂત કરવાનો નિર્ણય લીધો છે.
ચીન વિરુદ્ધ ઓસ્ટ્રેલીયન વડાપ્રધાને નિવેદન આપ્યું
ચીનનો સામનો કરવા સેના મજબૂત કરશે ઓસ્ટ્રેલીયા
ભારત અને ચીનના સંઘર્ષનો પણ ઉલ્લેખ
ભારત-ચીનના સંઘર્ષનો ઉલ્લેખ
ઓસ્ટ્રેલીયાના વડાપ્રધાને કડક શબ્દોમાં કહ્યું કે વર્તમાનમાં ઇન્ડો-પેસિફિક ક્ષેત્રમાં હાલમાં ભારત અને ચીન, દક્ષીણ ચીન સાગર અને પૂર્વી ચીન સાગરમાં વિવાદ વધી રહ્યો છે. અમુક દેશ વિસ્તારવાદી નીતિ અપનાવી રહ્યા છે જેના માટે તૈયાર રહેવાની જરૂર છે. ઓસ્ટ્રેલીયા સ્વતંત્ર અને ખુલ્લું ઇન્ડો-પેસિફિક ક્ષેત્રની ઈચ્છા ધરાવે છે જેની રક્ષા કરવી જ પડશે.
ચીનને ટક્કર આપવા તૈયાર સેના
ચીનની વિસ્તારવાદી નીતિ અને આર્થિક ઘેરાબંદીથી કંટાળેલું ઓસ્ટ્રેલીયાએ હવે ચીન સામે સેનાને મેદાનમાં ઉતારવાનું મન બનાવી લીધું છે. ઓસ્ટ્રેલીયાએ જાહેરાત કરી છે કે ઇન્ડો-પેસિફિક ક્ષેત્રમાં પોતાની સેનાને વધુ મજબૂત બનાવશે અને ચીનને ગમે ત્યારે ટક્કર આપવા માટે તૈયાર રહેશે. ઓસ્ટ્રેલીયાના વડાપ્રધાન સ્કોટ મોરિસને કહ્યું કે સેનાને વધુ મજબૂત બનાવવા માટે હથિયારો ખરીદવામાં આવશે અને એશિયા-પ્રશાંતમાં ક્ષેત્રમાં ઓસ્ટ્રેલીયા કેટલાક મહત્વપૂર્ણ સેના અને હથિયારો તૈનાત કરશે.
ચીનની કોઈ પણ ધમકીથી ડરતાં નથી
મોરિસને બુધવારે કહ્યું કે ચીનની કોઈ પણ ધમકીથી ડરતાં નથી. આ માટે ઓસ્ટ્રેલીયાએ 270 બિલિયન ડોલરની રક્ષા ખરીદીનો પ્લાન પ્રસ્તુત કરવામાં આવ્યો છે. પીએમએ કહ્યું કે દેશની રક્ષા નીતિમાં બદલાવ કરવાની દિશામાં આગળ વધાવામાં આવશે, આ સિવાય એન્ટીશીપ મિસાઈલની ખરીદી કરવામાં આવશે. ઓસ્ટ્રેલીયાએ આ નિર્ણય મિત્ર દેશો, સહયોગીયો અને મુખ્ય ભૂમિની રક્ષા માટે લીધો છે.
નોંધનીય છે કે કોરોના વાયરસના કારણે ચીનથી નારાજ ઓસ્ટ્રેલીયાએ આર્થિક રીતે ચીન સામે કાર્યવાહી શરુ કરી દીધી છે. હાલમાં જ ચીની સરકારે પોતાના નાગરિકોને ઓસ્ટ્રેલીયા ન જવાની સલાહ આપી હતી. આટલું જ નહીં ચીને ઓસ્ટ્રેલીયાથી આયાત થતાં સામનો પર પ્રતિબંધ લગાવી દીધો છે.