સુરતમાં 3 વર્ષની બાળકી પર દુષ્કર્મના મામલે શુક્રવારે ગુજરાત હાઈર્કોર્ટે આરોપી અનિલ યાદવની ફાંસીની સજા યથાવત્ રાખી હતી. આરોપી અનિલ યાદવને નીચલી કોર્ટે ફાંસીની સજા સંભળાવી હતી. હાઈકોર્ટે આ સજાને યથાવત્ રાખી છે. ગુજરાતમાં છેલ્લા કેટલાક વખતથી દુષ્કર્મની ઘટનાઓ વધી રહી છે ત્યારે ફાંસી સુધીની સજાની જોગવાઇ બાદ પણ આવી ઘટનાઓ કેમ અટકતી નથી? શુક્રવારે ખેડાના કપડવંજ, રાજકોટ અને ગઇકાલે (ગુરૂવાર) અમદાવાદમાં દુષ્કર્મની ઘટના સામે આવી હતી. ત્યારે આવી ઘટનાઓ બાદ દુષ્કર્મનો દાગ ગુજરાતને પણ લાગી રહ્યો છે.
ખેડાના કપડવંજમાં સગીરા સાથે દુષ્કર્મની ફરિયાદ
રાજકોટમાં વધુ એક સગીરા પર દુષ્કર્મની ઘટના આવી સામે
અમદાવાદમાં સગીરા પર દુષ્કર્મનો મામલે એક આરોપીની કરી ધરપકડ
કપડવંજમાં સગીરાને પ્રેમજાળમાં ફસાવી આચર્યું હતું દુષ્કર્મ
ખેડાના કપડવંજમાં સગીરા સાથે દુષ્કર્મની ફરિયાદ થઇ છે. કપડવંજમાં સગીરાએ બાળકને જન્મ આપ્યો છે. દુષ્કર્મનો ભોગ બનેલી સગીરાએ બાળકને જન્મ આપ્યો છે. સગીરાને પ્રેમજાળમાં ફસાવી દુષ્કર્મ આચર્યું હતું. આ અંગે કપડવંજ ટાઉન પોલીસે ઝીરો નંબર ફરિયાદ નોંધી છે. થરાદ પોલીસ સ્ટેશનમાં ફરિયાદ મોકલવામાં આવી છે. ખેડા જિલ્લામાં સગીરા માતા બની હોય તેવો બીજો કિસ્સો સામે આવ્યો છે.
રાજકોટમાં વધુ એક સગીરા પર દુષ્કર્મની ઘટના આવી સામે
રાજકોટમાં વધુ એક સગીરા સાથે દુષ્કર્મની ઘટના સામે આવી છે. લગ્નની લાલચ આપીને સગીરા સાથે આરોપીએ દુષ્કર્મ આચર્યુ હતું. જીજ્ઞેશ થોરિયા નામના આરોપી સામે કુવાડવા પોલીસ સ્ટેશનમાં ફરિયાદ થઈ છે. પોલીસે આરોપી સામે ગુનો નોંધીને તપાસ હાથધરી છે.
અમદાવાદમાં સગીરા પર દુષ્કર્મનો મામલે એક આરોપીની કરી ધરપકડ
અમદાવાદના મેઘાણીનગર વિસ્તારમાં સગીરા સાથે દુષ્કર્મ મામલે પોલીસે એક આરોપીની ધરપકડ કરી છે. પોલીસે આરોપી ધ્રુવ જાડેજાની ધરપકડ કરી છે. વર્ષ 2018માં ફરિયાદી સગીરા અને આરોપી આયુષ વચ્ચે મિત્રતા થઈ હતી. ડિસેમ્બર 2018 અને ઓગષ્ટ 2019માં આરોપી આયુષે સગીરા સાથે દુષ્કર્મ આચર્યુ હતું. ત્યારબાદ મિત્રના ઘરે લઈ જઈને આયુષે સગીરા પર દુષ્કર્મ આચર્યુ હતુ. આ દરમિયાન આયુષના મિત્ર ધ્રુવ જાડેજાએ પણ સગીરા પર જબરદસ્તી દુષ્કર્મ આચર્યુ હતુ. ત્યારબાદ બન્નેએ સગીરાનો વીડિયો ઉતારીને વાયરલ કરવાની ધમકી આપી હતી. આ મામલે સગીરાએ મેઘાણીનગર પોલીસ સ્ટેશનમાં ફરિયાદ કરી છે. પોલીસે આરોપી આયુષ બજરંગે અને ધ્રુવ જાડેજા સામે પોક્સોની ફરિયાદ દાખલ કરીને કાર્યવાહી હાથધરી છે.