શ્રાવણ માસના તહેવારને લઈ ઓઈલ ફેડરેશનના ચેરમેનને કહ્યું કે, સરકારની નીતિના કારણે ખાદ્યતેલમાં ભાવનો વધારો નોંધાયો, તો જયેશ રાદડિયાએ નિવેદન આપ્યું કે, સરકાર પૂરા પ્રયાસોમાં છે
ખાદ્ય તેલના ભાવ વધારા પર મંત્રી જયેશ રાદડિયાનું નિવેદન
તેલના ભાવ આંતરરાષ્ટ્રીય બજાર પર આધારિત
ગરીબોને સસ્તુ તેલ મળે તે માટે સરકારના પ્રયાસો
ગુજરાતમાં ખાદ્યતેલના ભાવ વધારા પર મંત્રી જયેશ રાદડિયાએ નિવેદન આપ્યું કે, તેલના ભાવ આંતરરાષ્ટ્રીય બજાર પર આધારિત છે. ગરીબોને સસ્તુ તેલ મળે તે માટે સરકારના પ્રયાસો યથાવત્ છે. ટેકાના ભાવે ખેડૂતો પાસેથી મગફળી ખરીદાય છે. જેના માટે બજેટમાં 71 લાખ NSFAના લાભાર્થીઓ માટે જાહેરાત કરાઈ હતી. તહેવારો પર લોકોને તેલ મળી રહે તેવા પ્રયાસો પણ થઈ રહ્યા છે. તમામ જગ્યા પર સંતુલન રાખીને સરકાર કામ કરી રહી છે. અને જે લોકો સંગ્રહખોરી કરી રહ્યા છે. તેમની સામે કડક પગલા લેવાશે. તેવી પણ ચેતવણી કેબિનેટ મિનિસ્ટ જયેશ રાદડિયાએ આપી છે.
તહેવારોમાં તેલના ભાવમાં જોવા મળ્યો વધારો
કપાસિયા તેલના ભાવ
જુના ડબ્બાના ભાવ 2420
નવા ડબ્બાના ભાવ 2470
સીંગતેલના ભાવ
જુના ડબ્બાના ભાવ 2510
નવા ડબ્બાના ભાવ 2560
સનફલાવર તેલના ભાવ
જુના ડબ્બાના ભાવ 2240
નવા ડબ્બાના ભાવ 2290
સિંગતેલના ભાવ આસમાને, મગફળીના ભાવ તળિયે
વર્ષ
મગફળી
સિંગતેલ
2016
800-900
1745-1750
2017
750-830
1760-1770
2018
475-750
1470-1480
2019
690-988
1660-1670
2020
1050-1200
2060-2070
એડિબલ ઓઈલ ફેડરેશનના ચેરમેનનો સરકાર પર આરોપ
રાજ્યમાં સિંગતેલ કરતા કપાસિયા તેલના ભાવ ઊંચા ગયા છે. ખાદ્યતેલના ભાવ ટૂંક સમયમાં ઘટવાની શકયતા નથી. એડિબલ ઓઈલ ફેડરેશનના ચેરમેન દ્વારા આ અંગે નિવેદન આપ્યું કે, શ્રાવણ માસના તહેવારોમાં પણ રાહત મળવી અઘરું છે. સરકારની નીતિઓના કારણે ભાવ બેકાબૂ બન્યા છે. ખાદ્યતેલમાં આવશ્યક ચીજવસ્તુ ધારો હવે લાગુ થતો નથી. સંગ્રહખોરી પર કોઈ અંકુશ નથી. મોટી કંપનીઓના હાથમાં ટ્રેડની લગામ નથી. સિંગતેલ 2560 અને કપાસિયા 2470ના ભાવે બજારમાં વેચાઈ રહ્યું છે. લોકડાઉન વખતે કપાસિયા તેલ રૂ. 1500 ડબ્બો હતો. 2017મા કપાસિયા તેલ 1200 અને સિંગતેલનો ડબ્બો 1500 રૂપિયાનો હતો.