ડીઝલમાં ફરીથી 82 પૈસાનો વધારો જ્યારે પેટ્રોલમાં 80 પૈસાનો વધારો ઝીંકવામાં આવ્યો છે.
પેટ્રોલ-ડીઝલના ભાવમાં ફરી વધારો
ડીઝલનો નવો ભાવ 90.73 રૂપિયા સુધી પહોંચ્યો
પેટ્રોલનો નવો ભાવ 96 રૂપિયા 67 પૈસા પ્રતિલીટર થયો
ગુજરાતની જનતાને તારીખ 22 માર્ચથી જોરદાર મોંઘવારીના ઝટકા લાગવાના શરૂ થઈ ગયા છે. 23 માર્ચને બુધવાર સવારથી પેટ્રોલ-ડીઝલના ભાવમાં ફરી વધારો થશે. ડીઝલમાં ફરીથી 82 પૈસાનો વધારો થતાં હવે ડીઝલનો નવો ભાવ 90.73 રૂપિયા સુધી પહોંચ્યો જ્યારે પેટ્રોલમાં 80 પૈસાનો ફરીથી વધારો થતાં પેટ્રોલનો નવો ભાવ 96 રૂપિયા 67 પૈસા પ્રતિલીટર થયો. ગુજરાતના પેટ્રોલ-ડીઝલ એસોસિએશન તરફથી નવો ભાવ નક્કી કરવામાં આવ્યો છે.
મંગળવારે પણ કર્યો હતો વધારો
મહત્વનું છે કે મોંઘવારીના મારમાં પિસાતી જનતા પર 22 માર્ચ મંગળવારના રોજ પણ પેટ્રોલ અને ડીઝલના ભાવમાં વધારો ઝીકવામાં આવ્યો હતો. ગુજરાત એસોસિએશનના જણાવ્યા અનુસાર પેટ્રોલમાં પ્રતિ લીટરે 79 પૈસાનો વધારો ડીઝલમાં પ્રતિ લીટરે 85 પૈસો વધારો કરવામાં આવ્યો હતો જે બાદ સતત બીજા દિવસે પણ ઈંધણની કિમતમાં વધારો કરવામાં આવ્યો છે.
રાંધણ ગેસમાં 50 વધી 953.50 થયા તો તેલનો ડબ્બો 2500
રાજ્યમાં મોંઘવારીએ માઝા મુકી છે...મોંઘવારીના મારથી ગૃહિણીઓને બજેટમાં કોમ્પ્રોમાઇઝ કરવાનો વારો આવ્યો છે.પેટ્રોલ-ડીઝલ બાદ હવે ગેસ સિલિન્ડરના ભાવમાં વધારો થયો છે.રાંધણ ગેસના ભાવમાં 50 રૂપિયાનો વધારો થયો છે.LPG સિલિન્ડરના ભાવ 953.50 રૂપિયા થયા છે.તો તેલના ભાવમાં પણ તોતિંગ વધારો થયો છે.તેલના ડબ્બાના ભાવ 2500ને પાર પહોંચી ગયા છે...તો બીજી તરફ શાકભાજીના ભાવમાં પણ વધારો થયો છે...જેથી મોંઘવારીના મારથી જનતા પિસાઇ રહી છે
છૂટક ભાવ સ્થિર હતા
એક તરફ જથ્થાબંધ તેલના ભાવમાં વધારો થયો છે, તો બીજી તરફ છૂટક તેલના ભાવ 135 દિવસથી સ્થિર છે. જથ્થાબંધ ભાવમાં વધારો થવા પાછળ રુસ-યુક્રેન યુદ્ધને જવાબદાર માનવામાં આવે છે. પરંતુ સવાલ એ છે કે છૂટક તેલ પણ બહારથી આવે છે, તો પછી તેના દરમાં કેમ કોઈ વધારો નથી થતો ? જવાબ સરળ છે કે સરકાર તેલની કિંમતોનો બોજ સામાન્ય જનતા પર નાખવા માંગતી નથી. બીજી તરફ જથ્થાબંધ ખરીદદારો જેમ કે, જે કારખાનાઓ, એરપોર્ટ, બસ ડેપો, પરિવહન , મોલ વગેરે ચલાવે છે તેઓએ તેલના ઊંચા ભાવ ચૂકવવા પડશે. તાજેતરનો નિર્ણય આ મોટા ગ્રાહક વર્ગ માટે છે.
શું અસર થશે
હાલમાં જથ્થાબંધ ખરીદદારો માટે તેલના રેટ 25 રૂપિયા પ્રતિ લિટર સુધી વધી ગયા છે. જો ઓપરેટિંગ કોસ્ટ. જો તમે ઓપરેટિંગ ખર્ચ ઉમેરશો, તો તે 27% આસપાસ જશે. એક સૂત્રએ જણાવ્યું કે તેની સીધી અસર સામાન્ય લોકો પર જોવા મળશે, પરંતુ ધીરે ધીરે. જો કોઈ ફેક્ટરી ઓઈલ કંપની પાસેથી મોંઘા ભાવે ઓઈલ ટેન્કર ખરીદે છે, તો તે તેને તેના માલમાં ઉમેરશે. જ્યારે સામાન તૈયાર થઈને બજારમાં આવશે છે, ત્યારે તેના દરમાં કેટલાંક ટકાનો વધારો થશે. તે સ્વાભાવિક છે કે, લગભગ તમામ કંપનીઓ કાચા માલ અને ઓપરેટિંગ ખર્ચમાં વધારાને કારણે તેમનો માલ મોંઘો બનાવે છે. ભવિષ્યમાં પણ આવું જ જોવા મળશે. જો શાકભાજીનું પરિવહન ટ્રક દ્વારા કરવામાં આવે અને ટ્રકનું તેલ મોંઘું ખરીદ્યું હોય તો પરિવહન ખર્ચ વધી જાય છે. અંતે શાકભાજીના ભાવ પણ વધશે.