આવશ્યક ચીજવસ્તુ ધારામાંથી ખાદ્યતેલોને દૂર કરતા તેલના ભાવ પર સરકારનો અંકુશ પણ રહ્યો નથી અને બીજી તરફ આંતરરાષ્ટ્રીય સ્તરે ખાદ્યતેલના ભાવમાં વધારો થવાની સીધી અસર ભારતના બજાર પર
ખાદ્યતેલના ભાવ બેફામ વધ્યાં
આંતરરાષ્ટ્રીય સ્તરે ભાવ વધારાની અસર
તહેવારોની ઉજવણી વધારે મોંઘી બનશે
ખાદ્યતેલના ભાવ બેફામ વધ્યાં છે, તેના કારણે શ્રાવણ મહિનાના તહેવારોમાં મોંઘવારી માઝા મૂકશે એ નક્કી છે. સરકારે આવશ્યક ચીજવસ્તુ ધારામાંથી ખાદ્યતેલોને દૂર કરી દીધા છે. તેના કારણે ખાદ્યતેલના ભાવ પર સરકારનો અંકુશ પણ રહ્યો નથી અને બીજી તરફ આંતરરાષ્ટ્રીય સ્તરે ખાદ્યતેલના ભાવમાં વધારો થવાની સીધી અસર ભારતના સ્થાનિક બજારમાં જોવા મળી છે. નવી પાક સિઝન સુધી તો ખાદ્યતેલના ભાવમાં ખાસ રાહત મળવાની શક્યતા નથી. ભારતમાં વર્ષે લગભગ 240 લાખ ટન ખાદ્યતેલની માંગ છે અને તેમાંથી 65 ટકા આયાત કરવામાં આવે છે. સ્થાનિક સ્તરે લગભગ 80 લાખ મેટ્રિક ટન ખાદ્યતેલનું ઉત્પાદન થાય છે. મોટા પ્રમાણમાં આયાતી ખાદ્યતેલનો વપરાશ થતો હોવાથી સ્વાભાવિક રીતે આંતરરાષ્ટ્રીય ભાવની સીધી અસર ભારતમાં થાય છે.
ખાદ્યતેલના ભાવમાં વધારો થવાના કારણે શ્રાવણ મહિનાના તહેવારોની ઉજવણી વધારે મોંઘી બનશે. રક્ષાબંધન અને જન્માષ્ટમી જેવા મહત્ત્વના તહેવારોમાં ફરસાણના ભાવ ઊંચા રહેશે એ નક્કી છે. ગુજરાત મીઠાઇ અને ફરસાણ વેપારી મહામંડળના મતે, ખાદ્યતેલ ઉપરાંત અન્ય રો-મટિરિયલના ભાવમાં વધારો થવાના કારણે ફરસાણના ભાવમાં 10-15 ટકાનો ભાવ વધારો તોળાઇ રહ્યો છે. તમામ ફરસાણ વેપારીઓ તથા નમકીનનું વેચાણ કરતા વેપારીઓ ભાવ વધારા માટે મજબૂર બન્યાં છે. કોરોના મહામારીમાંથી અર્થતંત્ર માંડ બહાર આવી રહ્યું છે. ત્યારે આ ભાવ વધારાના કારણે ગૃહિણીના બજેટ પણ ખોરવાઇ રહ્યા છે. સામાન્ય જીવનધોરણ જાળવવું પણ મુશ્કેલ બની રહ્યું છે.
સોનાની કિંમતમાં ઘટાડો
ચાર મહિનાથી સોનું નીચલા સ્તર પર આવી ગયુ છે. મલ્ટી કોમોડીટી એક્સચેન્જમાં સોનાની આજની કિંમત 46000 રૂપિયા પ્રતિ 10 ગ્રામ નોંધાઇ છે. જ્યારે ચાંદીના ભાવમાં પણ 1.5%થી વધારેનો ઘટાડો થયો છે.
આજનો સોનાનો ભાવ
આજે એટલે કે બુધવારે સોનાની કિંમત જોઇએ તો 46000 રૂપિયાની આસપાસ પ્રતિ 10 ગ્રામ નોંધાયુ છે.
ચાંદીનો આજનો ભાવ
ચાંદીની કિંમતોની જો વાત કરવામાં આવે તો 61715 રૂપિયા પ્રતિ કિલો થઇ ગઇ છે.
ગ્લોબલ માર્કેટમાં ભાવ
આંતરરાષ્ટ્રીય બજારમાં સોનાનો ભાવ 1735 ડૉલર પ્રતિ ઔંસ થઇ ગયો છે જ્યારે ચાંદી 23.56 ડૉલર પ્રતિ ઔંસ પર છે.
મિસ કોલ કરીને જાણો સોનાના ભાવ
તમને જણાવી દઇએ કે તમે સોનાના ભાવ આસાનીથી ઘરે બેઠા જાણી શકો છો. તેના માટે તમારે 8955664433 નંબર પર મિસકોલ કરવાનો રહેશે. ફોન પર મસેજ આવી જશે અને તેમાં તમે લેટેસ્ટ રેટ ચેક કરી શકશો.
કોરોના વાયરસના વિરોધમાં વેક્સિનેશનની રફ્તાર વધવાની સાથે દુનિયામાં સોનાની કિંમતોમાં ઉતાર ચઢાવ ચાલી રહ્યા છે. આ સમયે 25 કરોડ ડોલકના ક્વાડરિગા ઈન્ગ્નિયો ફંડને સંભાળીને રાખવા માટે ડિએગો પૈરિલાનું કહેવું છે કે સોનાની કિંમતો આવનારા 3-5 વર્ષમાં બમણી થશે. સોનાની કિંમતો આંતરરાષ્ટ્રીય બજારમાં 3000-5000 ડોલર પ્રતિ ઓંસ થઈ શકે છે. આ સાથે ફંડ મેનેજરનું કહેવું છે કે અનેક દેશમાં અપાઈ રહેલા રાહત પેકેડના કારણે કેન્દ્રીય બેંકને થનારી મુશ્કેલીઓની રોકાણકારોને જાણકારી નથી. આ કારણે સોનાની કિમતો સતત વધી રહી છે.