ગરમીથી છૂટકારો મેળવવા અને વેકેશન એન્જોય કરવા માટે મોટા ભાગના લોકો પહાડી વિસ્તારમાં ફરવા નિકળી જાય છે. રાફ્ટિંગના કારણે ઋષિકેશ હાલના દિવસોમાં પર્યટકોનું મનગમતું સ્થળ બની ગયું છે.
ભારતીય સેનાના જવાનોનું પરાક્રમ
નદીમાં રાફ્ટિંગ કરવા ઉતરેલી યુવતીઓ નદીના વહેણમાં તણાઈ
સેનાના જવાનોએ દિલધડક ઓેપરેશન પાર પાડ્યું
મેદાની વિસ્તારમાં ગરમી દિવસેને દિવસે વધતીં જ જાય છે. ગરમીથી છૂટકારો મેળવવા અને વેકેશન એન્જોય કરવા માટે મોટા ભાગના લોકો પહાડી વિસ્તારમાં ફરવા નિકળી જાય છે. રાફ્ટિંગના કારણે ઋષિકેશ હાલના દિવસોમાં પર્યટકોનું મનગમતું સ્થળ બની ગયું છે. હાલ ઋષિકેશ આવતા પર્યટકો નાવ પર લાઈફ જેકેટ પહેરીને નદીને વહેણમાં સવારી કરતા દેખાઈ રહ્યા છે.
સેનાના જવાનોએ બચાવ્યા બે છોકરીના જીવ
રાફ્ટિંગ દરમિયાન ક્યારેક ક્યારેક મોટી દુર્ઘટના પણ થઈ જાય છે. આવી જ એક દુર્ઘટનાના સમાચાર ઋષિકેશથી સામે આવ્યા છે. જ્યાં રિવર રાફ્ટિંગ કરી રહેલી બે ઠોકરીઓ પોતાના રોફ્ટથી નદીમાં પડી ગઈ હતી. બંને પાણીના વહેણમાં તણાવા લાગી હતી. આ જોઈને દેવદૂત બનીને આવેલા ભારતીય સેનાના જવાનોએ ડૂબતી છોકરીઓને બચાવી લીધી હતી. ત્યારે હવે આ રેસ્ક્યૂ ઓપરેશનનો વીડિયો પણ સામે આવ્યો છે. જે હાલમાં ખૂબ વાયરલ થઈ રહ્યો છે.
Two civilian girls were rescued by one Indian Army Rafting team member today at Phool Chatti in Rishikesh. These girls fell out of a civilian raft and would have drowned if not rescued in time: Indian Army officials pic.twitter.com/tV4Qm8diQi
સોશિયલ મીડિયા પર વાયરલ થઈ રહેલા આ વીડિયો 29 એપ્રિલનો હોવાનું કહેવાય છે. વીડિયો જોઈને આપનો શ્વાસ થંભી જશે. હકીકતમાં ઋષિકેશ આવેલી બે છોકરીઓ રાફ્ટિંગ દરમિયાન દુર્ઘટનાનો શિકાર થઈ ગઈ હતી. જે પાણીમાં તણાવા લાગી હતી. આવા સમયે ભારતીય સેનાના જવાનોએ રાફ્ટિંગ ટીમના એક સભ્યએ પોતાની સૂઝબૂઝ વાપરીને બે યુવતીઓને ડૂબતા બચાવી લીધી હતી.
સમય પર બચાવી ન લીધી હોત તો ડૂબી જાત બંને
ભારતીય સેનાના અધિકારીએ જણાવ્યું હતું કે, આર્મીની રાફ્ટીંગ ટીમના એક સભ્યએ આજે ઋષિકેશના ફુલ ચટ્ટીમાં બે છોકરીઓને નદીમાં ડૂબતા બચાવી લીધી હતી. આ છોકરીઓ હોડીમાં સવાર થઈને ફુલ વહેતા પાણીમાં પડી ગઈ હતી. જો સમય રહેતા તેમને બચાવી ન હોત, તો બંને ડૂબી જાત.આ ઘટનાનો એક વીડિયો પણ સામે આવ્યો છે.