ગર્વની વાત / ભારતવંશી ઋષિ સુનક માટે બ્રિટનના PMની ખુરશી હવે હાથવેંતમાં, વધુ એક ઉમેદવાર રેસમાંથી આઉટ, જાણો હવે શું

• બ્રિટનના પ્રધાનમંત્રી પદની રેસમાં ભારતવંશી ઋષિ સુનક સૌથી આગળ
• પાર્ટીના ચોથા રાઉન્ડના મતદાનમાં મળ્યાં 118 વોટ
• કેમી બૈડેનોચ પીએમની રેસમાંથી બહાર ફેંકાયા 
• હવે ઋષિ સુનકની રાહમાં ફક્ત બે ઉમેદવાર રહ્યાં

 બ્રિટનમાં ભારતવંશી ઋષિ સુનક ઈતિહાસ રચવા જઈ રહ્યાં છે. બોરિસ જોન્સનના રાજીનામા બાદ નવા પીએમની વરણી માટે શાસક કન્ઝર્વેટીવ પાર્ટીમાં વોટિંગ ચાલી રહ્યું છે અને અગાઉ 3 તબક્કાનું વોટિંગ થઈ ચૂક્યું છે અને મંગળવારે ચોથા તબક્કાનું વોટિંગ થયું હતું જેમાં સુનકને 118 વોટ મળ્યાં છે અને આ સાથે તેઓ પીએમની રેસમાં સૌથી આગળ ચાલી રહ્યાં છે. 

Rishi Sunak tops new vote in British PM race with 118 votes, Kemi Badenoch voted out

— Press Trust of India (@PTI_News) July 19, 2022

કેમી બૈડેનોચ પીએમ રેસમાંથી બહાર ફેંકાયા
બોરિસ જોન્સન સરકારના સમાનતા મંત્રી કેમી બૈડેનોચ પીએમની રેસમાંથી બહાર ફેંકાયા છે. ચોથા રાઉન્ડમાં તેમને 59 મત મળ્યાં હતા. 

હવે પીએમની રેસમાં રહ્યાં ફક્ત 3 ઉમેદવાર 
બ્રિટનના પીએમની રેસમાં હવે ફક્ત 3 ઉમેદવાર રહ્યાં છે. કારોબાર મંત્રી પેની મોડૌર્ટને 92 અને વિદેશમંત્રી લિઝ ટ્રૂસને 86 વોટ મળ્યાં હતા. હવે પછીનો મુકાબલો સુનક, પેની અને ટ્રસ વચ્ચે હશે. 

UK Prime Minister Race | Rishi Sunak leads vote for the Conservative leadership, Kemi Badenoch eliminated: Reuters

(File pic) pic.twitter.com/gV7mcFvzdG

— ANI (@ANI) July 19, 2022

પીએમ નક્કી કરવા કન્ઝર્વેટીવ પાર્ટીમાં ચાલી રહ્યું છે વોટિંગ

બોરિસ જોન્સનના રાજીનામા બાદ નવા પીએમ નક્કી કરવા માટે કન્ઝર્વેટીવ પાર્ટીમાં વોટિંગ ચાલી રહ્યું છે. અત્યાર સુધી વોટિંગના 4 તબક્કા પૂરા થયા છે અને હવે ઋષિ સુનક સામે ફક્ત બે ઉમેદવાર રહ્યાં છે. આ બે ઉમેદવારો બહાર થઈ જશે ત્યારે તેમને દેશના નવા પીએમ જાહેર કરવામાં આવશે. ચાર રાઉન્ડમાં ઋષિ સુનક ટોપ પર રહ્યાં છે.

હવે  પેની મોડૌર્ટ અને લિઝ ટ્રૂસ સામે સુનકનો મુકાબલો

હવે પાંચમા રાઉન્ડનું વોટિંગ થશે અને તેમાં વધુ એક ઉમેદવાર રેસમાંથી બહાર થઈ જશે અને આખરે સુનકનો મુકાબલો છેલ્લા ઉમેદવાર સાથે થશે ત્યાર બાદ તેઓ જીતે તો તેમને નવા પીએમ જાહેર કરવામાં આવશે.