બ્રિટનના પ્રધાનમંત્રી બન્યાં બાદ ઋષિ સુનકે પહેલું કામ ઘણા મંત્રીઓનો હોદ્દો છીનવી લેવાનું કર્યું છે.
બ્રિટનના પીએમ બન્યાં બાદ ઋષિ સુનકનું પહેલું કામ
ઘણા મંત્રીઓને હોદ્દો છોડવાનો કર્યો આદેશ
જેરમી હન્ટને નાણા મંત્રી બનાવ્યાં
લિઝ ટ્રસે જેરમી હન્ટને નાણા મંત્રી પદેથી હટાવ્યાં હતા
બ્રિટનના પીએમ બન્યાં બાદ ઋષિ સુનકે કામ કરવાનું શરુ કરી દીધું છે. ઋષિ સુનકે સૌથી પહેલું કામ લિઝ ટ્રસ કેબિનેટના ઘણા મંત્રીઓને હટાવવાનું કર્યું છે.પીએમ સુનકે લિઝ ટ્રસના ઘણા મંત્રીઓને તાત્કાલિક રાજીનામું આપી દેવાનું જણાવ્યું છે.
આલોક શર્માએ સુનક કેબિનેટમાંથી આપ્યું રાજીનામું
પીએમ સુનકના આદેશને પગલે મંત્રી આલોક શર્માએ કેબિનેટમાંથી રાજીનામું આપી દીધું હતું. તેમણે પૂર્વ પીએમ ટ્રસે મંત્રી બનાવ્યાં હતા.
ત્રણ મંત્રીઓને હોદ્દો છોડવાનો આદેશ
પીએમ સુનકે અત્યાર સુધીમાં ત્રણ મંત્રીઓને પદ છોડવાનું કહેણ મોકલ્યું છે જેમાં બિઝનેસ સેક્રેટરી જેકબ રીસ-મોગ, જસ્ટિસ સેક્રેટરી બ્રાન્ડન લેવિસ અને ડેવલપમેન્ટ મિનિસ્ટર વિકી ફોર્ડનો સમાવેશ થાય છે.
જેરમી હન્ટ નાણા મંત્રી તરીકે ચાલુ રહેશે
લિઝ ટ્રસે નાણા મંત્રી પદેથી જેરમી હન્ટને હટાવ્યાં હતા પરંતુ હવે પીએમ સુનકે તેમને પાછા બોલાવ્યાં છે અને નાણા મંત્રીનું સ્થાન સંભાળી લેવાનું કહ્યું છે.
કિંગે ચાર્લ્સે ઋષિ સુનકને પીએમ તરીકે નિયુક્ત કર્યાં
કિંગ ચાર્લ્સ-3 એ ઋષિ સુનકને પીએમ તરીકે નિયુક્ત કર્યાં છે જે પછી તેમણે પીએમનો કાર્યભાર સંભાળી લીધો હતો અને રાષ્ટ્રજોગ પ્રવચનમાં પોતાની સરકારની પ્રાયોરિટી જાહેર કરી હતી. પ્રધાનમંત્રી સુનકે કહ્યું કે મારી સરકાર એક એવી ઈકોનોમીનું નિર્માણ કરશે જે બ્રેક્ઝિટના અવસરોનો વધારે લાભ ઉઠાવશે. તેમણે કહ્યું કે તમારા સમર્થનથી હું પૂરી ઈમાનદારી સાથે જવાબદારી લઈને તમારે માટે કાર્ય કરતો રહીશ. મેં તમારો વિશ્વાસ જીત્યો છે.
લિઝ ટ્રસના રાજીનામા બાદ બન્યાં પીએમ
ભારે દબાણના સામનો કરી રહેલા બ્રિટિશ વડા પ્રધાન લિઝ ટ્રસે 20 ઓક્ટોબરના રોજે રાજીનામાની જાહેરાત કરી હતી જે પછી કન્ઝર્વેટીવ પાર્ટીએ ઋષિ સુનકે પીએમ તરીકે જાહેર કર્યાં હતા. બ્રિટનમાં હાલમાં કન્ઝર્વેટીવ પાર્ટીનું શાસન છે. છ મહિનામાં 3 પ્રધાનમંત્રી બદલાયા છે.