ભારતવંશી ઋષિ સુનક બ્રિટનના પીએમ બનવાથી હવે ફક્ત એક કદમ દૂર છે. બુધવારે યોજાયેલા પાંચમા રાઉન્ડના વોટિંગમાં 137 વોટ સાથે તેઓ ટોપ પર રહ્યાં હતા.
બ્રિટનના PM બનવામાંથી એક કદમ દૂર ઋષિ સુનક
137 વોટ સાથે પાંચમા રાઉન્ડ પણ જીત્યો
વેપાર મંત્રી પેની મોડૌંટ રેસમાંથી બહાર
હવે લિઝ ટ્રુસ સાથે અંતિમ મુકાબલો
લિઝ ટ્રુસ સામે જીતશે તો બનશે પીએમ
બ્રિટનમાં ભારતવંશી ઋષિ સુનક ઈતિહાસ રચવા જઈ રહ્યાં છે. બોરિસ જોન્સનના રાજીનામા બાદ નવા પીએમની વરણી માટે કન્ઝર્વેટીવ પાર્ટીમાં વોટિંગ ચાલી રહ્યું છે. અત્યાર સુધી 5 રાઉન્ડનું વોટિંગ થયું છે અને બધા રાઉન્ડના વોટિંગમાં ઋષિ સુનક ટોપ પર રહ્યાં છે. આથી તેમના પીએમ બનવાના ગ્રહો ઉજળા થયા છે. હવે તેમની અને લિઝ ટ્રુસ વચ્ચે અંતિમ મુકાબલો થશે. જો આ મુકાબલામાં તેમની જીત થાય તો તેમને પીએમ તરીકે જાહેર કરાશે.
પાંચમા રાઉન્ડમાં પણ રહ્યાં ટોપ પર
બ્રિટિશ વડાપ્રધાનની રેસમાં ભારતીય મૂળના ઋષિ સુનકે પણ પાંચમા રાઉન્ડમાં ટોચનું સ્થાન મેળવ્યું હતું. તેમને 137 મત મળ્યા હતા. પાંચમા રાઉન્ડના વોટિંગ સાથે જ બિઝનેસ મિનિસ્ટર પેની મોર્ડૌંટ પીએમની રેસમાંથી બહાર થઈ ગયા છે. તેમને 105 મત મળ્યા હતા તો લિઝ ટ્રુસને 113 મત મળ્યા હતા.
Rishi Sunak races ahead with 137 votes, to face Liz Truss in final leg of UK PM contest
હવે અંતિમ મુકાબલો લિઝ ટ્રસ સાથે
પાંચમા રાઉન્ડની જીત બાદ હવે સુનકનો છઠ્ઠો અને અંતિમ મુકાબલો લિઝ ટ્રુસ સાથે હશે. લિઝ ટ્રુસ સામે જીત્યા બાદ તેઓ પીએમ બની જશે અને આ રીતે તેઓ બ્રિટનમાં ઈતિહાસ રચશે.
Former British finance minister Rishi Sunak and Foreign Secretary Liz Truss made it through to the final stage of the leadership contest to replace UK Prime Minister Boris Johnson: Reuters
પાંચેય તબક્કામાં ઋષિ સુનકને સૌથી વધુ મત મળ્યા
પાંચેય તબક્કામાં ઋષિ સુનકને સૌથી વધુ મત મળ્યા છે. ચોથા રાઉન્ડના મતદાનમાં તેમને 118 મત મળ્યા હતા. સોમવારે ત્રીજા રાઉન્ડના મતદાનમાં તેમને 115 મત મળ્યા હતા. બીજા રાઉન્ડમાં 101 અને પ્રથમ રાઉન્ડમાં 88 મત પડ્યા હતા. સુનક પાંચેય રાઉન્ડમાં ટોપ પર રહ્યાં હતા.