IPLIN
 

રાજનીતિ / કિંગ ચાર્લ્સે ભારતવંશી ઋષિ સુનકને પ્રધાનમંત્રી તરીકે નિયુક્ત કર્યાં, અંગ્રેજો પર હવે ભારતવંશીનું રાજ

Team VTV 04:22 PM, 25 Oct 22 | Updated: 05:04 PM, 25 Oct 22
Follow us
Rishi Sunak appointed the new British PM by King Charles III

બ્રિટનના રાજા કિંગ ચાર્લ્સ-3એ ભારતવંશી ઋષિ સુનકને દેશના પ્રધાનમંત્રી તરીકે નિયુક્ત કર્યાં છે.

  • ભારતવંશી ઋષિ સુનક બન્યાં બ્રિટનના નવા પીએમ
  • કિંગ ચાર્લ્સે નિયુક્ત કર્યાં પીએમ તરીકે 
  • પીએમ તરીકે નિયુક્ત થયા બાદ આપ્યું પહેલું રાષ્ટ્રજોગ પ્રવચન 
  • ઋષિ સુનક કિંગ ચાર્લ્સને મળવા બંકિમહામ પેલેસ આવ્યાં 
  • સોમવારે કન્ઝર્વેટીવ પાર્ટીએ તેમને પીએમ તરીકે જાહેર કર્યાં હતા

બ્રિટનમાં ભારતવંશી અને કન્ઝર્વેટીવ પાર્ટીના ટોચના નેતા ઋષિ સુનકે ઈતિહાસ રચ્યો છે. 200 વર્ષના બ્રિટનના ઈતિહાસમાં ઋષિ સુનકે નાની વયના પ્રધાનમંત્રી બન્યાં છે. લીઝ ટ્રસના રાજીનામા બાદ પીએમ તરીકે ઋષિ સુનકનો માર્ગ મોકળો થયો હતો. જે અનુસાર આજે સુનકે કિંગ ચાર્લ્સને મળવા બંકિમહામ પેલેસ પહોંચ્યાં હતા જ્યા કિંગે તેમનું અભિવાદન કરીને તેમના દેશના નવા પીએમ તરીકે નિયુક્ત કર્યાં હતા. 

શપથ લેવા રાજાને મળવા બંકિમહામ પેલેસ પહોંચ્યાં સુનક
ઋષિ સુનક પીએમ પદના શપથ લેવા માટે કિંગ ચાર્લ્સને મળવા બંકિમહામ પેલેસ પહોંચ્યાં હતા જ્યાં કિંગે તેમનું અભિવાદન કર્યું હતું અને ત્યાર બાદ શપથ લેવડાવ્યાં હતા. બ્રિટનમાં પરંપરા છે કે જે પણ પીએમ બને તેને કિંગ શપથ લેવડાવતા હોય છે. પરંપરા પ્રમાણે કિંગે પીએમની નિયુક્તી કરતા હોય છે. 

પીએમ બન્યા બાદ આપ્યું પહેલું રાષ્ટ્રજોગ પ્રવચન 
પીએમ બન્યા બાદ ઋષિ સુનકે પહેલું રાષ્ટ્રજોગ પ્રવચન આપ્યું હતું. સુનકે કહ્યું કે અત્યારે આપણો દેશ એક મોટા આર્થિક સંકટનો સામનો કરી રહ્યો છે.  યુક્રેનમાં પુતિન યુદ્ધે વિશ્વભરના બજારોને અસ્થિર કરી દીધા છે. સુનકે કહ્યું કે હું આપણા દેશને શબ્દોથી નહીં પરંતુ ક્રિયાથી જોડીશ. હું પરિણામ માટે દિવસ-રાત કામ કરીશ. વિશ્વાસ કમાયો છે, અને હું કમાઈશ... તે એક આદેશ છે જે આપણા બધાનો છે અને એક કરે છે. આદેશના કેન્દ્રમાં અમારો ઢંઢેરો છે, 

મારી સરકાર એવી ઈકોનોમીનું નિર્માણ કરશે જે બ્રેક્ઝિટની તકોનો વધારે લાભ ઉઠાવશે
બ્રિટનના પ્રધાનમંત્રી સુનકે કહ્યું કે મારી સરકાર એક એવી ઈકોનોમીનું નિર્માણ કરશે જે બ્રેક્ઝિટના અવસરોનો વધારે લાભ ઉઠાવશે. તેમણે કહ્યું કે તમારા સમર્થનથી હું પૂરી ઈમાનદારી સાથે જવાબદારી લઈને તમારે માટે કાર્ય કરતો રહીશ. મેં તમારો વિશ્વાસ જીત્યો છે. 
200 વર્ષમાં સૌથી નાની ઉંમરના પીએમ બન્યાં સુનક 
ભારતીય મૂળના આ નેતા 200 વર્ષમાં યુકેના ટોચના પદ પર રહેનાર સૌથી નાની ઉંમરના અને બ્રિટનના પ્રથમ હિન્દુ વડાપ્રધાન છે. લિઝ ટ્રુસે તેમના કાર્યકાળના માત્ર 49 દિવસ બાદ જ પદ છોડ્યું તે પછી સુનક આ વર્ષે બ્રિટનના ત્રીજા વડા પ્રધાન છે.

કોણ છે ઋષિ સુનક?
ઋષિ સુનકના માતા-પિતા પંજાબના રહેવાસી હતા. જેઓ વિદેશમાં સ્થાયી થયા હતા. અને સુનકનો જન્મ બ્રિટનમાં હૈંપશાયરમાં થયો હતો. ઋષિએ અમેરિકાની સ્ટેનફોર્ડ યુનિવર્સિટીમાંથી MBAનો અભ્યાસ કર્યો છે. તેમણે ઓક્સફર્ડ યુનિવર્સિટીમાંથી રાજકારણ, ફિલસૂફી અને અર્થશાસ્ત્રનો અભ્યાસ કર્યો. તેમજ ઋષિ ભારતીય સોફ્ટવેર કંપની ઈન્ફોસિસના સહ-સ્થાપક નારાયણ મૂર્તિનો જમાઈ પણ છે. રાજનીતિમાં જોડાતા પહેલા ઋષિએ ઈન્વેસ્ટમેન્ટ બેંક ગોલ્ડમેન સૅન્શ અને હેજ ફંડમાં કામ કર્યું હતું. આ પછી તેણે એક ઇન્વેસ્ટમેન્ટ ફર્મની પણ સ્થાપના કરી. તેમની માતા ફાર્માસિસ્ટ છે અને નેશનલ હેલ્થ સર્વિસમાં નોકરી કરે છે. સુનકના પિતા ઓક્સફર્ડ યુનિવર્સિટી અને સ્ટેનફોર્ડ યુનિવર્સિટીના સ્નાતક સુધી અભ્યાસ કરેલો છે. વર્ષ 2015માં પહેલીવાર સાંસદ બન્યા હતો. 2018માં સ્થાનીય સરકારમાં મંત્રી બન્યા બાદ વર્ષ 2019માં ટ્રેજરીના ચીફ સેક્રેટરી બન્યા હતાં. 

ઋષિ સુનક મૂળ ભારતના, ઈન્ફોસિસના ચેરમેન નારાયણ મૂર્તિના જમાઈ 

ઉલ્લેખનીય છે કે ઋષિ સુનકના માતાપિતા પંજાબના હતા પરંતુ તેમનો જન્મ બ્રિટનમાં થયો હતો. ઋષિ સુનક ભારતના જમાઈ છે. ઈન્ફોસિસના ચેરમેન નારાયણ મૂર્તિના પુત્રી અક્ષતાં મૂર્તિ સાથે લગ્ન કર્યાં છે. 

લિઝ ટ્રસના રાજીનામા બાદ બન્યાં પીએમ 
ભારે દબાણના સામનો કરી રહેલા લિઝ ટ્રસે 20 ઓક્ટોબરના રોજ બ્રિટનના પ્રધાનમંત્રી તરીકે રાજીનામું આપ્યું હતું જે પછી કન્ઝર્વેટીવ પાર્ટીએ ઋષિ સુનકે પીએમ તરીકે જાહેર કર્યાં હતા. બ્રિટનમાં હાલમાં કન્ઝર્વેટીવ પાર્ટીનું શાસન છે. છ મહિનામાં 3 પ્રધાનમંત્રી બદલાયા છે. 

ભારત પર અંગ્રેજોનું 150થી વધુ વર્ષનું શાસન 

ઉલ્લેખનીય છે કે ભારત પર અંગ્રેજોનું 150 વર્ષથી વધુનું શાસન રહ્યું હતું પરંતુ પહેલી વાર કોઈ ભારતવંશીનું બ્રિટનમાં રાજ આવ્યું છે. 

rishi sunak pm rishi sunak UK NEW pm ઋષિ સુનક બ્રિટનના પીએમ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ