બોલીવુડના ટોચના અભિનેતા ઋષિ કપૂર અત્યારે મેડિકલ ટ્રીટમેન્ટ માટે અમેરિકામાં છે. તેમણે 29 સપ્ટેમ્બરનાં રોજ એક ટ્વિટ કરીને આ વાતનો ખુલાસો કર્યો હતો.
તેમણે જણાવ્યું હતુ કે તેઓ સારવાર માટે અમેરિકા જઇ રહ્યા છે. આ વચ્ચે તેમની મા કૃષ્ણા રાજ કપૂરનું નિધન થયું હતુ. આ દરમિયાન આશા રાખવામાં આવી કે ઋષિ કપૂર માનાં અંતિમ દર્શનમાં સામેલ થવા મુંબઈ આવશે પરંતુ ઋષિ કપૂર આવી શક્યા નહીં.
આવામાં તેમની તબિયતને લઇને ઘણી અટકળો લગાવવામાં આવી રહી હતી. જો કે હવે પોતાના ફેન્સ માટે ઋષિ કપૂરે રવિવારની સાંજે એક વિડીયો શેર કર્યો હતો. આ વિડીયોમાં ઋષિ કપૂર પોતાના દોસ્ત અનુપમ ખેર સાથે જોવા મળી રહ્યા છે.
ઋષિ કપૂરે વિડીયો શેર કરતા લખ્યું કે ન્યૂયૉર્ક મૈનહટ્ટન. બપોરે મેડિસન એવેન્યૂ પર પોતાના દોસ્ત સાથે ખેર ફ્રી અથવા કેર ફ્રી. વિડીયોમાં ઋષિ કપૂર ફિટ જોવા મળી રહ્યા છે. ઉલ્લેખનીય છે કે ઋષિ કપૂર અત્યારે પોતાના આગામી હૉલીવુડ પ્રોજેક્ટ માટે ન્યૂયૉર્કમાં છે.
New York Manhattan. “Kher-free” or is it “Care-free”on Madison Avenue with colleague and old friend Anupam Kher this afternoon! pic.twitter.com/6qwfUufuML
ઋષિ કપૂરને લઇને એવી અટકળો લગાવવામાં આવી રહી હતી કે તેમને ત્રીજા સ્ટેજનું કેન્સર છે આ દરમિયાન ઋષિ કપૂરના ભાઈ રણધીર કપૂરે એક ઈન્ટરવ્યૂમાં સ્પષ્ટ કરી દીધું છે કે ''ભાઈ ઋષિની તબિયત સારી છે જ્યાં સુધી ટેસ્ટના પરિણામો ના આવે ત્યાં સુધી કેવી રીતે કહી શકાય કે તેમને શું થયું છે.'