બોલિવૂડના વેટરન એક્ટર ઋષિ કપૂરની તબિયત એકવાર ફરી બગડી છે અને તેમને મુંબઈના એક હોસ્પિટલમાં દાખલ કરવામાં આવ્યા છે. પરિવાર દ્વારા મળેલી માહિતી મુજબ તેમને વાયરલ ફીવર થયો છે. થોડાં દિવસ પહેલાં જ દિલ્હીમાં શૂટિંગ દરમિયાન ઋષિ કપૂરની તબિયત બગડી હતી, જે પછી તેમને હોસ્પિટલમાં દાખલ કરાયા હતા.
તબિયત ખરાબ થતાં ફરી હોસ્પિટલમાં દાખલ થયા ઋષિ
કેન્સરનો ઈલાજ કરાવી ચૂક્યા છે ઋષિ કપૂર
હવે ઋષિની તબિયતમાં સુધારો
Dear family,friends,foes and followers. I have been overwhelmed by all your concern about my health.Thank you. I have been filming in Delhi past 18 days and because of the Pollution and my low count of neutrophils, I caught an infection whereby I had to be hospitalized. (1).....
હોસ્પિટલથી ડિસ્ચાર્જ થયા બાદ તેમણે ટ્વિટ કરીને ફેન્સને જણાવ્યું હતું કે, દિલ્હીમાં પોલ્યૂશનને કારણે તેમની તબિયત બગડી હતી. હોસ્પિટલમાંથી ડિસ્ચાર્જ થયા બાદ ઋષિએ લખ્યું, હવે મારી તબિયત સારી છે. મારા સારાં સ્વાસ્થ્ય માટે પ્રાર્થના કરવા બદલ તમારા બધાનો આભાર. જોકે, સૂત્રો મુજબ, જે દિવસે ઋષિએ આ ટ્વિટ કરી એ જ દિવસે તેમને દિલ્હીથી મુંબઈની હોસ્પિટલમાં શિફ્ટ કરવામાં આવ્યા હતા.
ઋષિ કેન્સરનો ઈલાજ કરાવી ન્યૂયોર્કથી ભારત પરત આવ્યા હતા
એક સમાચાર એજન્સીની રિપોર્ટ મુજબ, ઋષિને વાયરલ ફીવરને કારણે 2 દિવસ પહેલાં જ મુંબઈના શ્રી એચ આર રિલાયન્સ હોસ્પિટલમાં દાખલ કરવામાં આવ્યા હતા. રણબીર કપૂર મોઢા પર માસ્ક પહેરી પિતાના હાલચાલ જાણવા હોસ્પિટલ પહોંચ્યો હતો. તેમની તબિયત હવે સારી છે અને ચિંતા કરવાની કોઈ જ વાત નથી. ઉલ્લેખનીય છે કે, ગયા વર્ષે જ સપ્ટેમ્બરમાં ઋષિ કેન્સરનો ઈલાજ કરાવી ન્યૂયોર્કથી ભારત પરત આવ્યા હતા.
I was running a slight fever and on investigation,Dr.s found a patch which could have lead to pneumonia,was detected and is being cured. People seem to have assumed a lot different. I put to rest all those stories and look forward to entertain and love you. I am now in Mumbai.
દિલ્હીમાં શૂટિંગ દરમિયાન તબિયત બગડતા ફેન્સને હેલ્થ અપડેટ્સ આપતા ઋષિએ લખ્યું, હું છેલ્લા 18 દિવસથી દિલ્હીમાં શૂટિંગ કરી રહ્યો હતો અને પોલ્યુશનને કારણે મને ઈન્ફેક્શન થઈ ગયું, કારણ કે મારું ન્યૂટ્રોફિલ કાઉન્ટ ઓછું છે. આ કારણથી મારે હોસ્પિટલમાં દાખલ થવું પડ્યું. મને પહેલાં સામાન્ય તાવ હતો પણ ડોક્ટરની તપાસમાં એક પેચ મળ્યો જેના કારણે મને ન્યૂમોનિયા થઈ શકતો હતો. જેથી આને ડિટેક્ટ કરીને હટાવી દેવામાં આવ્યું.