GET WELL SOON / રિષભ પંતનો ગંભીર અકસ્માત: ઝપકી આવી પછી ધડામ...વિન્ડસ્ક્રીન તોડી બચ્યો, ખુદ જણાવી આપવીતી 

• ભારતીય ટીમનો સ્ટાર વિકેટકીપર બેટ્સમેન રિષભ પંતનો અકસ્માત
• ટના બાદ મર્સિડીઝ કારમાં ભીષણ આગ ફાટી નીકળી
• ડ્રાઇવિંગ કરતી વખતે તેને નિદ્રા આવી જતાં સર્જાયો અકસ્માત 

ભારતીય ટીમનો સ્ટાર વિકેટકીપર બેટ્સમેન રિષભ પંત કાર અકસ્માતમાં ગંભીર રીતે ઘાયલ થયો છે. ઘટના બાદ મર્સિડીઝ કારમાં ભીષણ આગ ફાટી નીકળી હતી. આ ઘટના શુક્રવારે (30 ડિસેમ્બર) વહેલી સવારે રૂરકીના ગુરુકુલ નરસન વિસ્તારમાં બની હતી. સ્થાનિક લોકોએ તાત્કાલિક 108ને ફોન કરીને પંતને હોસ્પિટલમાં દાખલ કરાવ્યો હતો. હવે રિષભ પંતને અહીંથી દેહરાદૂન મેક્સ હોસ્પિટલમાં રિફર કરવામાં આવ્યો છે.

મહત્વનું છે કે, રિષભ પંત દિલ્હીથી રૂરકી જઈ રહ્યા હતા. આ અકસ્માત બાદ રિષભ પંતનું મોટું નિવેદન આવ્યું છે. તેણે જણાવ્યું કે, આ અકસ્માત કેવી રીતે થયો અને તે કેવી રીતે બચી ગયો. જો પંત કારમાંથી બહાર નીકળી શક્યા ન હોત અને થોડો મોડો થયો હોત તો મોટી દુર્ઘટના થઈ હોત. કારણ કે ઘટના બાદ કારમાં જોરદાર આગ લાગી હતી.

વિન્ડ સ્ક્રીન તોડીને પંત બહાર આવ્યો

રિષભ પંતે જણાવ્યું કે તે પોતે કાર ચલાવી રહ્યો હતો. ડ્રાઇવિંગ કરતી વખતે તેને નિદ્રા આવી હતી. આ જ કારણ હતું કે, કાર ડિવાઈડર સાથે અથડાઈ અને મોટો અકસ્માત થયો. તેણે જણાવ્યું કે અકસ્માત બાદ તે વિન્ડ સ્ક્રીન તોડીને બહાર આવ્યો હતો.

#WATCH | Uttarakhand: Cricketer Rishabh Pant shifted to Max Hospital Dehradun after giving primary treatment at Roorkee Civil Hospital. His car met with an accident near Roorkee pic.twitter.com/YTvArj8qxc

— ANI UP/Uttarakhand (@ANINewsUP) December 30, 2022

રિષભ પંતને માથામાં ઈજા થઈ

તબીબોના જણાવ્યા અનુસાર રિષભ પંતના શરીરમાં કોઈ ગંભીર ઈજા નથી. તેને માથામાં ઈજા થઈ છે. જમણા પગમાં ફ્રેક્ચર થવાની સંભાવના છે. હાલમાં પંતને દેહરાદૂનની મેક્સ હોસ્પિટલમાં રીફર કરવામાં આવ્યા છે. બાકીની ઇજાઓ તપાસ બાદ જ સાચી રીતે જાણી શકાશે.

Cricketer Rishabh Pant met with an accident on Delhi-Dehradun highway near Roorkee border, car catches fire. Further details awaited. pic.twitter.com/qXWg2zK5oC

— ANI (@ANI) December 30, 2022

પંતને NCAમાં રિપોર્ટ કરવા માટે કહેવામાં આવ્યું હતું

રિષભ પંત સાથે કાર અકસ્માતના ઘણા ફોટા અને વીડિયો સામે આવ્યા છે. પંતના હોસ્પિટલમાં દાખલ દર્દીઓના ફોટા પણ જોઈ શકાય છે. કહેવાય છે કે, કાર અકસ્માત બાદ ત્યાંના લોકોએ 108ની મદદથી રિષભ પંતને રૂરકી સિવિલ હોસ્પિટલ મોકલ્યો હતો. પહેલાથી જ અનફિટ ચાલી રહેલા પંતને BCCI દ્વારા બેંગલુરુમાં નેશનલ ક્રિકેટ એકેડમી (NCA)માં રિપોર્ટ કરવા માટે કહેવામાં આવ્યું હતું.

રિષભ પંતની આંતરરાષ્ટ્રીય ક્રિકેટ કારકિર્દી

• 33 ટેસ્ટ રમી - 2271 રન બનાવ્યા - 5 સદી ફટકારી
• 30 ODI રમી - 865 રન બનાવ્યા - 1 સદી ફટકારી
• 66 T20 ઇન્ટરનેશનલ રમ્યા - 987 રન બનાવ્યા - 3 ફિફ્ટી ફટકારી