T20 વર્લ્ડ કપ / 'પોતાના પગ પર ઉભો થયો પણ હજુ ઈન્ડિયા માટે ફરી..' ઋષભ પંતનો જોશીલો Video

બીસીસીઆઈએ ટીમ ઈન્ડિયાના વિકેટકીપર ઋષભ પંતનો એક વીડિયો શેર કર્યો છે, જે જોઈને તમને ચોક્કસ આશ્ચર્ય થશે. આ વીડિયોમાં પંત ટીમ ઈન્ડિયાને T20 વર્લ્ડ કપ જીતાડવાની ઈચ્છા વ્યક્ત કરી રહ્યો છે. ભારતીય ટીમ ટી-20 વર્લ્ડ કપમાં પોતાની પ્રથમ મેચ 5 જૂને આયર્લેન્ડ સામે રમવાની છે.

ભારતમાં આઇપીએલ સીઝન પુરી થઇ ચુકી છે. હવે ટીમ ઇન્ડિયા ટી20 વર્લ્ડકપ રમવા વિદેશની ધરતી પર ઉતરી છે. ટીમ ઈન્ડિયાએ ન્યૂયોર્કમાં પહોચી ચુકી છે. ટીમ ઈન્ડિયા ટી20 વર્લ્ડ કપ 2024માં પોતાના અભિયાનની શરૂઆત કરશે. ભારતીય ટીમ પોતાની પ્રથમ મેચ 5 જૂને આયર્લેન્ડ સામે રમશે અને ત્યાર બાદ ટીમ ઈન્ડિયાનો મુકાબલો ન્યૂયોર્કમાં જ પાકિસ્તાન સામે થશે. જો કે T20 વર્લ્ડ કપની શરૂઆત પહેલા BCCIએ ઋષભ પંતનો એક વીડિયો શેર કર્યો છે જે ક્રિકેટ પ્રેમીઓને હચમચાવી મુકશે. 40 સેકન્ડના આ વીડિયોમાં ઋષભ પંત T20 વર્લ્ડ કપમાં સારા પ્રદર્શન માટે પોતાની શુભેચ્છાઓ વ્યક્ત કરી રહ્યો છે.

ઋષભ પંતનો વીડિયો

આ વીડિયોમાં ઋષભ પંત વાત કરી રહ્યો છે કે ટીમ ઈન્ડિયાને T20 વર્લ્ડ કપ જીતવા માટે કેટલું એક્ટીવ રહેવું પડશે. તેણે કહ્યું કે રોડ એક્સિડન્ટ બાદ તે પોતાના પગ પર ઉભો થઈ ગયો છે પરંતુ હવે તે ટીમ ઈન્ડિયા માટે ઉભો રહેશે. ઋષભ પંત વીડિયોમાં કહે છે, 'તે દિવસથી લઈને આજ સુધી એક કસક બાકી છે, હ્રદયના એ ખૂણામાં હજુ એક ધબકાર બાકી છે, હું મારા પગ પર ઊભો થઈ ગયો છું, પણ ટીમ ઇન્ડિયા માટે ફરી ઊભું થવાનું બાકી છે.'

વધુ વાંચોઃ VIDEO: બાબરને ચઢ્યો પાવર, ચાહકોને કહ્યું દૂર રહો અહિયાંથી, બોડીગાર્ડે ગુસ્સે ભરાયો

ઋષભ પંત પર મોટી જવાબદારી

ટીમ ઈન્ડિયાએ T20 વર્લ્ડ કપની પ્રથમ સિઝન જીતી હતી. 2007માં ટીમ ઈન્ડિયાએ ધોનીના નેતૃત્વમાં ટી20 વર્લ્ડ કપ જીત્યો હતો. આ પછી ટીમ ઈન્ડિયા ક્યારેય T20 ચેમ્પિયન ન બની શકી. હવે ટીમ ઈન્ડિયાના 17 વર્ષના ઇન્તજાર પછી જવાબદારી રોહિત અને તેની ટીમ પર છે. આમાં ઋષભ પંતની પણ મહત્વની ભૂમિકા રહેશે. પંત ટીમ ઈન્ડિયાનો વિકેટકીપર-બેટ્સમેન છે. તે પ્લેઈંગ ઈલેવનમાં હશે તે નિશ્ચિત છે. જો પંતનું બેટ કામ કરશે તો ટીમ ઈન્ડિયા સ્વાભાવિક રીતે જ જીતની મોટી દાવેદાર હશે. પંતે IPL 2024માં પણ પોતાનું ફોર્મ સાબિત કર્યું છે.