IPL 2023માં રિષભ પંતની વાપસી થવા જઈ રહી છે. દિલ્હી કેપિટલ્સના હેડ કોચ રિકી પોન્ટિંગએ ફેન્સને ખુશખબરી આપતા આ ખુલાસો કર્યો છે. રિકી પોન્ટિંગના આ ખુલાસા બાદ સોશિયલ મીડિયા પર ખળભળાટ મચી ગઈ છે.
IPL 2023માં થશે રિષભ પંતની વાપસી
રિકી પોન્ટિંગના નિવેદનથી મચ્યો ખળભળાટ
રિકી પોન્ટિંગએ આ ખુલાસો કર્યો
IPL 2023માં રિષભ પંતની વાપસી થવા જઈ રહી છે. દિલ્હી કેપિટલ્સના હેડ કોચ રિકી પોન્ટિંગે ફેન્સને ખુશખબરી આપતા મોટો ખુલાસો કર્યો છે. રિકી પોન્ટિંગના આ મોટાં નિવેદન બાદ સોશિયલ મીડિયા પર ખળભળાટ મચી ગઈ છે. દિલ્હી કેપિટલ્સના હેડ કોચ રિકી પોન્ટિંગએ એમ પણ કહ્યું છે કે જો રિષભ પંત ટુર્નામેન્ટમાં રમવા માટે શારીરિક રીતે ફિટ નથી, તો પણ તેઓ ઇન્ડિયન પ્રીમિયર લીગ (IPL) 2023માં જમણા હાથના વિકેટકીપર-બેટ્સમેનને પોતાની સાથે રાખવાનું પસંદ કરશે.
30 ડિસેમ્બરના રોજ થયો હતો ભયાનક અકસ્માત
30 ડિસેમ્બરના રોજ 25 વર્ષીય રિષભ પંત માંડ-માંડ બચ્યા. જ્યારે તેમની કાર દિલ્હી-દેહરાદુન હાઈવે પર એક ડીવાઇડર સાથે અથડાઈ અને એમાં આગ ફાટી નીકળી હતી. ઉત્તરાખંડ રાજ્યમાં હરિદ્વાર જિલ્લાના મંગલૌર અને નરસનની વચ્ચે આ ભયાનક કાર દુર્ઘટના બની હતી.
મેક્સ હોસ્પિટલમાં કરાયા હતા દાખલ
ગંભીર ઈજાઓની સારવાર માટે મેક્સ હોસ્પિટલ, દેહરાદુનમાં દાખલ કરાતા પહેલા પંતને શરૂઆતમાં સમક્ષ મલ્ટીસ્પેસિયાલિસ્ટ હોસ્પિટલ અને ટ્રોમા સેન્ટરમાં લઈ જવામાં આવ્યા હતાં. 4 જાન્યુઆરીના રોજ ભારતીય ક્રિકેટ કંટ્રોલ બોર્ડ (BCCI)એ જાહેરાત કરી હતી કે, પંતને સર્જરી અને વધુ સારવાર માટે એર એમ્બ્યુલન્સના માધ્યમથી મુંબઈ શિફ્ટ કરવામાં આવશે.
કોચ રિકી પોન્ટિંગનું નિવેદન
કોકિલાબેન ધીરુભાઈ અંબાણી હોસ્પિટલ મુંબઈમાં દિલ્હી કેપિટલ્સના કેપ્ટન પંત હવે સાજા થવાની લાંબી રાહ પર છે અને સેન્ટર સ્પોર્ટ્સ મેડિસિનના પ્રમુખ ડૉ.દિનશા પારદીવાલા તેમના પર સતત નજર રાખી રહ્યા છે. દિલ્હી કેપિટલ્સના હેડ કોચ રિકી પોન્ટિંગએ કહ્યું કે, 'તમે એ ખેલાડીઓની જગ્યાએ કોઈને નહીં લઈ શકો, એ નક્કી છે. આ ખેલાડીઓ એમ જ નથી બનતા. આપણે જોવું પડશે અને અમારી પાસે વિકેટકીપર-બેટ્સમેનના રૂમમાં તેમની જગ્યાએ વિકલ્પ છે.'
રિષભ પંતની ફિટનેસને લઈને મોટું અપડેટ
દિલ્હી કેપિટલ્સના હેડ કોચ રિકી પોન્ટિંગનું વધુમાં કહ્યું કે,'હું એવું ઇચ્છુ છું કે તેઓ દરેક મેચમાં ડગઆઉટમાં મારી પાસે બેસે. જો તેઓ વાસ્તવમાં રમવા માટે શારીરિક રીતે ફીટ નથી, તો પણ અમે તેમને અમારી સાથે રાખવાનું પસંદ કરીશું. તેઓ ટીમના શાનદાર લીડર છે, તેમના સ્વભાવ અને હાસ્યને અમે ખૂબજ પસંદ કરીએ છીએ'.
હું તેમને મારી સાથે રાખીશ: પોન્ટિંગ
આઇસીસી રિવ્યુ શૉમાં પોન્ટિંગે કહ્યું કે, 'જો તેઓ વાસ્તવમાં યાત્રા કરવા અને ટીમની સાથે રહેવામાં સક્ષમ છે, તો હું ઇચ્છુ છું કે તેઓ સપ્તાહનો દરેક એક દિવસ ડગઆઉટમાં મારી સાથે બેસે. હું નિશ્ચિત રૂપથી સુનિશ્ચિત કરું છું કે માર્ચના મધ્યમા જ્યારે તમે આવો ત્યારે આપણે દિલ્હીમાં એક સાથ મળીને આગળ વધીએ. અમારા કેમ્પમાં જો તેઓ રહેવામાં સક્ષમ છે, તો હું તેમને મારી સાથે રાખીશ'.