રિષભ પંત સાથે હરિયાણાનાં ક્રિકેટર મૃણાંક સિંહે કરોડોની છેતરપિંડી કરી છે. જાણો આ વિષે વિગતવાર
રિષભ પંત સાથે થઇ કરોડોની છેતરપિંડી
હરિયાણાનાં ક્રિકેટરે કરી છેતરપિંડી
હાલમાં જેલમાં કેદ છે મૃણાંક સિંહ
ભારતનાં સ્ટાર વિકેટકીપર-બેટ્સમેન રિષભ પંત સાથે હરિયાણાનાં એક ક્રિકેટરે 1.63 કરોડ રૂપિયાની છેતરપિંડી કરી છે. પંત સાથે આવી છેતરપિંડી મૃણાંક સિંહે કરી છે, જેણે પંતને સારી કિંમતે મોંઘી ઘડિયાળો આપવાની વાત કરી હતી. આ ઉપરાંત મૃણાંકે પંત પાસેથી ઘરેણા સહીત બીજી શાનદાર વસ્તુઓ પણ લીધી હતી, જે તેણે પરત આપી ન હતી.
હાલમાં જેલમાં છે મૃણાંક
મૃણાંક હાલમાં મુંબઈની આર્થર રોડ જેલમાં કેદ છે. તેના પર એક વ્યવસાયીને છેતરવાના આરોપમાં જૂહુ પોલીસ દ્વારા અરેસ્ટ કરવામાં આવ્યો હતો. રિષભ પંતનાં વકીલ એકલવ્ય દ્વિવેદીએ આખો મામલો જણાવ્યો છે.
એકલવ્ય દ્વિવેદી જણાવે છે કે આ મૂળ રૂપથી એક negotiable instrument act હેઠળ એક મામલો છે, જ્યાં આરોપી શ્રી મૃણાંક સિંહ દ્વારા જાહેર કરાયેલ ચેક અપૂરતા ધનને કારણે અમાન્ય થઇ ગયો છે. મૃણાંકે પંતને જણાવ્યું કે તેણે લક્ઝરી ઘડિયાળો, બેગ, ઘરેણાં ખરીદવા અને વહેંચવાનો બિઝનેસ શરુ કર્યો છે. તેણે પંતને ખોટા વચનો આપ્યા કે તેના માટે સસ્તા ભાવમાં ઘડિયાળો અને અન્ય સામાન ખરીદી શકે છે.
ચેક થઇ ગયો બાઉન્સ
દ્વિવેદીએ આગળ જણાવ્યું કે ત્યાર બાદ પંતે મૃણાંક સિંહને એક મોટી રકમ આઈ અને સાથે જ અમુક કિમતી સામાન પણ આપ્યો, જેથી તે એ સામાનને ફરી વહેંચીને પંતને પ્રોફિટ અપાવવામાં સફળ થાય. પછી જ્યારે મામલો આગળ વધ્યો, તો અમે તેને લિગલ નોટિસ પણ આપી. ત્યાર બાદ 1.63 કરોડ રૂપિયા પાછા આપવાને લઈને એક સમજૂતી થઇ, જે માટે મૃણાંક સિંહે અમને એક ચેક આપ્યો. જ્યારે અમે આ ચેકને બેંક અધિકારીઓ સામે રજૂ કર્યો, તો અમને રિટર્ન મેમો મળ્યો કે અપર્યાપ્ત ધન રાશિને કારણે ચેક બાઉન્સ થઇ ગયો છે.
19 જુલાઈનાં રોજ થશે સુનાવણી
દ્વિવેદીએ આગળ જણાવ્યું કે વ્યાજ ગણીને આ રકમ વધીને 1.8થી 1.9 કરોડ થઇ ચુકી છે કેમકે ફેબ્રુઅરી 2021માં ચેક બાઉન્સ થઇ ગયો હતો. તેઓ કહે છે કે તે મેજીસ્ટ્રેટ સામે મામલાની ગત સુનાવણીમાં હાજર રહ્યો ન હતો. એટલા માટે મેજીસ્ટ્રેટે ત્યાના એસએચઓને નિર્દેશ આપ્યો છે કે તેઓ 19 જુલાઈનાં રોજ આરોપીને વર્ચ્યુઅલિ ઉપસ્થિત કરે. તે એ દિવસે ઉપસ્થિત રહેશે અને તેનું નિવેદન દાખલ કરવામાં આવશે. અમે કલમ 143-A હેઠળ વચગાળાના વળતર માટે અરજી પણ દાખલ કરી છે. તેની પણ વિચારણા કરવામાં આવશે અને દલીલો સાંભળવામાં આવશે.