રિષભ અને ઉર્વશી વચ્ચે સોશિયલ મીડિયા પર સતત ગરમી રહે છે. બંનેએ છેલ્લા કેટલાક દિવસોથી સતત સોશિયલ મીડિયા પર એકબીજાને નિશાન બનાવી રહ્યા છે.
આજકાલ પંત અને ઉર્વશી વચ્ચે સો.મીડિયા જંગ
ઋષભ પંત હાલમાં ઈશા નેગી સાથે રિલેશનશિપમાં છે
ઉર્વશીએ વધુ એક ફોટો પોસ્ટ કરીને પંતને ટાર્ગેટ કર્યો
ભારતીય ટીમનો વિકેટકીપર બેટ્સમેન રિષભ પંત આજકાલ પોતાની રમત સિવાય પણ કંઇક બીજી વાતને લઇને ચર્ચામાં છે. પંતનું નામ આ પહેલા પણ ઘણી વખત બોલિવૂડ એક્ટ્રેસ ઉર્વશી રૌતેલા સાથે જોડાઈ ચૂક્યું છે. હવે તેની અને ઉર્વશી વચ્ચે સોશિયલ મીડિયા પર સતત ગરમી રહે છે. બંનેએ છેલ્લા કેટલાક દિવસોથી સતત સોશિયલ મીડિયા પર એકબીજાને નિશાન બનાવ્યા હતા. હવે હાલમાં જ ઉર્વશીએ વધુ એક ફોટો પોસ્ટ કરીને સોશિયલ મીડિયા પર ધમાલ મચાવી દીધી છે.
ઉર્વશીની પોસ્ટે મચાવી ધમાલ
ઉર્વશી રૌતેલાએ હાલમાં ઇન્સ્ટાગ્રામ પર એક પોસ્ટ શેર કરી છે, જેના કેપ્શનમાં તેણે કંઈક એવું લખ્યું છે કે લોકો ફરી એકવાર રિષભ પંતને ટાર્ગેટ કરવા લાગ્યા છે. ઉર્વશીએ એક ગ્લેમરસ વીડિયો શેર કરીને તેના કેપ્શનમાં લખ્યું છે કે, 'મેં મારી સાઇડ સ્ટોરી ન કહીને તમારી ઇજ્જત બચાવી છે.' લોકોનું માનવું છે કે ઉર્વશીએ આ કેપ્શન દ્વારા ફરી એકવાર ઋષભ પંત પર નિશાન સાધ્યું છે.
બન્ને વચ્ચે સો.મીડિયા જંગ
ઉર્વશી રૌતેલાના નિવેદન બાદ ઋષભ પંતે સોશિયલ મીડિયા પર પોતાનો ગુસ્સો ઠાલવ્યો હતો. ઋષભ પંતે પોતાની ઈન્સ્ટા સ્ટોરી પર એક મેસેજ લખ્યો, 'કેટલાક લોકો માત્ર મસ્તી માટે ઈન્ટરવ્યૂમાં ખોટું બોલે છે, જેથી તેઓ અલગ અલગ હેડલાઈન્સ મેળવી શકે અને સમાચારોમાં રહી શકે. ઋષભ પંતે ઉર્વશી રૌતેલા પર નિશાન સાધતા લખ્યું, 'મારી પીછો બહેન છોડી દે, જૂઠની પણ એક મર્યાદા હોય છે'.
પંત હાલમાં ઈશા સાથે રિલેશનશિપમાં છે
2019માં ફોર્મમાં ન આવવાના ટેન્શનના કારણે ઋષભ પંતે ઉર્વશી રૌતેલાને વોટ્સએપ પર બ્લોક કરી દીધી હોવાની અટકળો ચાલી રહી હતી. ઋષભ પંત હાલમાં ઈશા નેગી સાથે રિલેશનશિપમાં છે. ઇશા દહેરાદૂનની છે અને તે એક ઇન્ટિરિયર ડિઝાઇનર છે. ઈશા નેગી ઈન્સ્ટાગ્રામ પર ઘણી એક્ટિવ રહે છે.