ઈંગ્લેન્ડ પ્રવાસ પર ગયેલી ટીમ ઈન્ડિયાના વિકેટકીપર બેસ્ટમેન ઋષભ પંત કોરોના પોઝીટીવ થયા છે.
સ્ટેડિયમમાં પંત માસ્ક વગર જોવા મળ્યા
ફેન્સ સાથે માસ્ક વગર ભીડ વચ્ચે તસ્વીર
પંતને 18 જુલાઈ સુધી આઈસોલેશનમાં રાખવામાં આવશે
ઈંગ્લેન્ડ પ્રવાસે ગયેલા ભારતીય વિકેટકીપર બેસ્ટમેન ઋષભ પંતનો કોરોના રિપોર્ટ પોઝિટિવ આવ્યો છે. પંત થોડા દિવસો પહેલા જ યુરો કપમાં ઈંગ્લેન્ડ અને જર્મનીની વચ્ચેનો મુકાબલો જોવા માટે લંડનના વેમ્બલે સ્ટેડિયમ ગયા હતા. સ્ટેડિયમમાં પંત હજારો લોકોની વચ્ચે વગર માસ્ક પહેરે ફેન્સની સાથે તસ્વીર પણ પડાવતા જોવા મળી રહ્યા છે. પંતની આ ભૂલ તેને ભારે પડી છે અને તે કોરોના વાયરસનો શિકાર બન્યા છે. પંતને 18 જુલાઈ સુધી આઈસોલેશનમાં રાખવા માટે કહેવામાં આવ્યું છે. ત્યાર બાદ ફરી વખત તેમનો કોરોના ટેસ્ટ થશે. જો તેમનો રિપોર્ટ નેગેટિવ આવ્યો તો જ તે ડરહમમાં 20 જુલાઈએ થનાર ટેસ્ટમેચનો ભાગ બની શકશે.
જણાવી દઈએ કે બીસીસીઆઈ સચિવ જય શાહે બ્રિટનમાં હાજર ભારતીય ટીનમે હાલમાં જ ઈ-મેલ મેકલીને ત્યાના કોવિડ-19ના વધતા કેસને લઈને ચેતવ્યા છે. બીસીસીઆઈના એક સૂત્રોએ જણાવ્યું કે, "હા એક ખિલાડીનો કોરોના રિપોર્ટ પોઝિટિવ આવ્યો છે પરંતુ હાલ તેમનામાં કોઈ લક્ષણ જોવા નથી મળી રહ્યા. તે હાલમાં પોતાના એક સંબંધીને ત્યા તેના ધરમાં ક્વોરન્ટાઈન છે અને ગુરુવારે ટીમની સાથે ડરહમ નહીં જઈ શકે."
ખેલાડીઓને ભીડમાં જવાની મનાઈ
શાહે પોતાના પત્રમાં ખેલાડીઓને ભીડ ભાડ વાળા વિસ્તારોમાં જવાથી બચવા માટે કહ્યું હતું કારણ કે કોવિશીલ્ડ વેક્સિનથી ફક્ત સંક્રમણથી હચાવ થાય છે. તે વાયરસ વિરૂદ્ધ સંપૂર્ણ સુરક્ષિત નથી. શાહે પોતાના પત્રમાં જણાવ્યું કે ખેલાડી હાલમાં જ પુરુ થયેલી વિંબલડન ટેનિસ ચેમ્પિયનશિપ અને યુરો ફુટબોલ ચેમ્પિયનશિપમાં જવાથી બચે. ભારતીય ટીમને ઈંગ્લેન્ડ વિરૂદ્ધ ચાર ઓગસ્ટથી પાંચ ટેસ્ટની સિરીઝ રમવાની છે.
વર્લ્ડ ટેસ્ટ ચેમ્પિયનશિપના ફાઈનલ બાદ બીસીસીઆઈએ ટીમ ઈન્ડિયાના ખેલાડીઓ અને સ્ટાફને 20 દિવસની રજા આપી હતી. આ વખતે ખેલાડીઓને ઈંગ્લેન્ડમાં જ ક્યાંય પણ જવાની પરવાનગી હતી. પંત ઉપરાંત બીજા અમુક ખેલાડીઓ યુરો કપ અને બિમ્બલડનની મેચ પણ જોવા ગયા હતા. જોકે ઈંગ્લેન્ડમાં કોરોના વાયરસના કેસ ઝડપથી વધી રહ્યા છે.
ઈંગ્લેન્ડના ત્રણ ખેલાડિઓ સહિત સાત સદસ્ય કોરોના પોઝીટીન થયા હતા
જણાવી દઈએ કે થોડા દિવસો પહેલા ઈંગ્લેન્ડના ત્રણ ખેલાડિઓ સહિત સાત સદસ્ય કોરોના પોઝિટિવ થયા હતા. ત્યાર બાદ ઈંગ્લેન્ડ અને વેલ્સ ક્રિકેટ બોર્ડને પાકિસ્તાનની સામે 18 સદસ્યની નવી ટીમની જાહેરાત કરવી પડી હતી. તેમાંથી 9 ખેલાડી એવા હતા જે પહેલા વખત ટીમનો ભાગ બન્યા હતા.