યાર આ તો સેહવાગ જેવી ફટકાબાજી કરે છે! બેંગલોરમાં પિંક બોલ ટેસ્ટનાં બીજા દિવસે રિષભ પંતની બેટિંગ જોઈને ક્રિકેટ ચાહકો ખુશખુશાલ થઈ ગયા હતા.
ભારત અને શ્રીલંકા સામેની ટેસ્ટમાં આજે બીજો દિવસ
વીરેન્દ્ર સેહવાગ જેવી બેટિંગ કરી રિષભ પંતે
સૌથી ઝડપી અર્ધી સદી ફટકારનાર ભારતીય બેટ્સમેન
ભારત તથા શ્રીલંકા વચ્ચે બેંગ્લોરમાં પિંક બોલ ટેસ્ટ રમાઈ રહી છે. ટેસ્ટના બીજા દિવસે ભારતે શ્રીલંકાને ઓલઆઉટ કરી દીધું હતું અને ફરી બેટિંગમાં આવી ગયું હતું. વિકેટ ટેકિંગ પિચ પર ભારત કે શ્રીલંકાના બેટ્સમેનોને તકલીફ પડી રહી છે. એવામાં પ્રથમ ઇનિંગમાં શ્રેયસ ઐયર અને બીજી ઇનિંગમાં રિષભ પંત સારું પરફોર્મ કરવામાં સફળ રહ્યા હતા.
સેહવાગની યાદ અપાવી દે છે રિષભ પંત
પિન્ક બોલ ટેસ્ટના બીજા દિવસે આજે વિકેટકીપર બેટ્સમેન રિષભ પંત પોતાની સ્ટાઈલ મુજબ ધુંઆધાર બેટિંગ કરતાં દેખાયો હતો. રિષભે માત્ર 28 બોલ રમીને અર્ધી સદી ફટકારી દીધી હતી. જેમાં તેણે સાત ચોગ્ગા અને બે છગ્ગા ફટકાર્યા હતા. તેની આ ઇનિંગ જોઈને દર્શકોને ટ્વેન્ટી ટ્વેન્ટી જેવી ફિલિંગ આવી ગઈ હતી.
રિષભની ઇનિંગ જોઈને ક્રિકેટ ફેન્સે વીરેન્દ્ર સેહવાગ યાદ આવી ગયો હતો.
કપિલ દેવનો રેકોર્ડ તોડ્યો
આ અગાઉ ટેસ્ટમાં સૌથી ઝડપી ફિફ્ટી ફટકારવાનો રેકોર્ડ ભૂતપૂર્વ વર્લ્ડકપ વિનિંગ કેપ્ટન કપિલ દેવના નામે હતો. હવે રિષભ પંત આ રેકોર્ડ તોડીને સૌથી ઝડપી ફિફ્ટી ફટકારનારો ભારતીય બની ગયો છે. કપિલે 1982માં પાકિસ્તાન સામે માત્ર 30 બોલમાં અડધી સદી ફટકારી હતી. આ લિસ્ટમાં ત્રીજા નંબરે શાર્દૂલ ઠાકુર અને ચોથા નંબરે સેહવાગ છે. જેમને અનુક્રમે 31 અને 32 બોલમાં ઈંગ્લેન્ડની સામે અડધી સદી ફટકારી હતી.
FIFTY!@RishabhPant17 surpasses Kapil Dev to score the fastest 50 by an Indian in Test cricket. It has come off 28 deliveries.
કોહલી વધુ એક વખત નિષ્ફળ
પૂર્વ કપ્તાન વિરાટ કોહલી માટે બેંગ્લોર બીજા ઘર જેવું જ છે તથા દરેકને આશા હતી કે અહી વિરાટ કોહલી સદી ફટકારશે જ. પરંતુ આવું ન બન્યું અને ટેસ્ટ મેચનાં પહેલા જ દિવસે વિરાટ કોહલી 23નાં સ્કોર પર આઉટ થઇ ગયો હતો અને આજે બીજી ઇનિંગમાં પણ માત્ર 13 રનના વ્યક્તિગત સ્કોરે પેવેલિયનભેગો થયો હતો.