ટીમ ઈન્ડીયાના વિકેટ કિપર અને બેટર ઋષભ પંતની તબિયત ઝડપથી સારી થઈ રહી છે. પંતે ટેકણઘોડી પર ચાલી રહ્યાંની તસવીર શેર કરી છે.
ટીમ ઈન્ડીયાનો વિકેટ કિપર ઋષભ પંતની તબિયત સુધારા પર
40 દિવસ બાદ ઘેર કાખઘોડી પર ચાલતો દેખાયો
પંતે શેર કરી બે તસવીર
40 દિવસ બાદ પગ પર ઊભો થયો પંત
30 ડિસેમ્બર 2022 દિવસે અકસ્માતમાં ઘાયલ થવાથી ટીમ ઈન્ડીયાના બેટર ઋષભ પંતને 40 દિવસ સુધી હોસ્પિટલમાં દાખલ થવું પડ્યું હતું પરંતુ હવે ડોક્ટરોએ તેને રજા આપી દીધી છે અને તેની તબિયત પણ સુધારા પર છે. ઋષભ પંતે તેના ચાહકો માટે બે તસવીર શેર કરી છે. ઋષભે 10 ફેબ્રુઆરીની સાંજે એક ટ્વીટ કર્યું હતું, જેમાં તેણે બે ફોટા પોસ્ટ કર્યો છે. આ ફોટોઝમાં સ્પષ્ટ જોવા મળી રહ્યું છે કે તેણે હવે થોડુંક ચાલવાનું શરૂ કરી દીધું છે.
કાખઘોડીના સહારે ચાલી રહ્યો છે
અકસ્માતમાં પંતને પગે ખૂબ ઈજા થઈ હતી અને સારવાર બાદ હવે તેની તબિયત સારી છે. તે પોતાના ઘેર કાખઘોડીને સહારે ચાલતો દેખાયો હતો. પંતે કાખઘોડીના સહારે ચાલવાની બે તસવીર શેર કરી છે.
એક ડગલું આગળ, એક પગલું વધુ મજબૂત- પંતે લખ્યું
ઋષભ પંતે પોતાના ટ્વીટમાં ફોટો પોસ્ટ કરતા લખ્યું કે, એક ડગલું આગળ, એક પગલું વધુ મજબૂત, એક ડગલું વધુ સારું. પંતની આ પોસ્ટથી સ્પષ્ટ દેખાય છે કે તેની રિકવરી ખૂબ જ સારી રીતે ચાલી રહી છે.
30 ડિસેમ્બરે અકસ્માતમાં માંડ બચ્યો હતો
30 ડિસેમ્બર 2022 દિવસે ઋષત પંત કાર લઈને જ્યારે ઉત્તરાખંડ સ્થિત રુડકી તેના ઘેર જઈ રહ્યો હતો ત્યારે તેની કારનો મોટો અકસ્માત થયો હતો જેમાં તેને ગંભીર ઈજા પહોંચી હતી, અકસ્માતમાં પંત માંડ બચ્યો હતો. અકસ્માતમાં પંતની કાર સંપૂર્ણપણે બળીને ખાખ થઇ ગઇ હતી. આ અકસ્માતમાં તે કોઈ ઈજા વિના બચી ગયો હતો. તે સમયે પંતને દેહરાદૂનની મેક્સ હોસ્પિટલમાં દાખલ કરવામાં આવ્યો હતો. થોડા દિવસ બાદ પંતને એરલિફ્ટ કરીને મુંબઈની કોકિલાબેન હોસ્પિટલમાં લઈ જવાયો હતો જ્યાં તેના ઘૂંટણનું ઓપરેશન કરાવાયુ હતું.