IPLIN
 
  • Home
  • Sports
  • Cricket
  • rishabh pant ms dhoni rohit sharma suryakumar yadav instagram live chatting sakshi dhoni

કોમેડી / VIDEO: ધોનીએ સાક્ષીથી ફોન ખેંચીને કર્યો બંધ, લાઈવમાં રોહિત-પંતે ખૂબ કરી મસ્તી

Team VTV 01:35 PM, 27 Jul 22
Follow us
rishabh pant ms dhoni rohit sharma suryakumar yadav instagram live chatting sakshi dhoni

ભારતીય ટીમ 29 જુલાઈથી વેસ્ટ ઈન્ડીઝની સામે તેના જ ઘરમાં પાંચ મેચની ટી-20 શ્રેણી રમવાની છે. અત્યારે વન-ડે સીરીઝની એક મેચ બાકી છે, જે આજે રમાશે. ટી-20 સીરીઝ માટે ભારતીય ટીમના કેપ્ટન રોહિત શર્મા સહિત ઘણા ખેલાડીઓ ત્રિનિનાદ પહોંચી ગયા છે.

  • લાઈવ ચેટીંગમાં રિષભ પંત, રોહિત શર્મા અને સૂર્ય કુમાર ખૂબ હસ્યા
  • રિષભ પંતે સાક્ષીને કોલ કરી માહીને લાઈવ પર લાવવાની વાત કહી
  • ધોની લાઈવ આવ્યાં પણ રિષભની વાત સાંભળતા જ કૉલ કાપી નાખ્યો

રિષભ પંતે આ ખેલાડીઓ સાથે લાઈવ ચેટ કરી

ભારતીય ટીમના સ્ટાર વિકેટકીપર રિષભ પંત મસ્તી મજાક માાટે ઓળખાય છે. મેદાનની અંદર હોય કે બહાર, તે હંમેશા કઈકને કઈક મજાક કરતા હોય છે. આ વખતે તેમણે વેસ્ટ ઈન્ડીઝ પ્રવાસ પર રહીને કેપ્ટન રોહિત શર્મા, સૂર્યકુમાર યાદવની સાથે પૂર્વ કેપ્ટન મહેન્દ્ર સિંહ ધોની સાથે લાઈવ ચેટ કરી. 

પંતે કહ્યું, માહી ભાઈને લાઈવ પર રાખો

રિષભ પંત, રોહિત શર્મા અને સુર્યકુમાર હાલમાં વેસ્ટ ઈન્ડીઝના ત્રિનિદાદમાં છે. અહીં પોતાના હોટલ રૂમમાં પંતે સૌથી પહેલા રોહિત અને સૂર્યકુમારને ઈન્સ્ટાગ્રામ પર લાઇવ વીડિયો કૉલ કર્યો. તે એકબીજા સાથે ચેટ કરી રહ્યાં હતા ત્યારે પંતે સાક્ષી ધોનીને કૉલ કરી દીધો. સાક્ષીએ કોલ એટેન્ડ કરીને વાત કરવા લાગી. આ દરમ્યાન કેમેરો ધોની તરફ ફર્યો. ધોનીએ પહેલા તો હાથ લગાવીને કેમેરા પર આવવાની ના પાડી દીધી. પરંતુ થોડીવારમાં તેઓ પણ લાઈવ ચેટમાં આવી ગયા. માહીએ પણ સાક્ષીની જેમ હેલો કર્યુ. આ દરમ્યાન પંતે કહ્યું, ભાઈને રાખો થોડી વાર લાઈવ પર રાખો.  

અને ધોનીએ સાક્ષી પાસેથી ફોન લઇ લીધો

રિષભ પંતની આ વાત સાંભળતા જ ધોનીએ ફોન લઇ લીધો અને કૉલ કાપી નાખ્યો. આ દરમ્યાન રિષભ પંત, રોહિત શર્મા, સૂર્યકુમાર યાદવ ખૂબ હસવા લાગ્યા. રિષભ પંતની મસ્તીથી બધા એટલા પરેશાન હતા કે બેડ઼ પર સુતા દેખાતા રોહિત શર્માને પણ કહેવુ પડ્યુ, રિષભ આવુ ના કરીશ. 
 

Rishabh Pant MS Dhoni Rohit Sharma Sakshi Dhoni
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ