રોડ અકસ્માત / પહેલા સાયરસ મિસ્ત્રી, હવે રિષભ પંત...2022ની બે એવી દુર્ઘટના જેમાં આ જ કાર આવી ચર્ચામાં

• રિષભ પંત રોડ એક્સીડેન્ટમાં ગંભીરરૂપે ઘાયલ
• સાયરસ મિસ્ત્રીનું પણ મોત મર્સિડીઝ બેન્ઝમાં
• 2022માં આ બીજો મોટો રોડ એક્સીડેન્ટ

માતાને સરપ્રાઇઝ આપવા જઇ રહેલા ક્રિકેટર રિષભ પંત રોડ અકસ્માતમાં સદનસીબે બચી ગયાં છે. દિલ્હીથી રૂડકી જવા સમયે દિલ્હીથી-દેહરાદૂન હાઇવે પર તેમનો એક્સીડન્ટ થઇ ગયો હતો. તેવી જ બીજી ઘટના આ વર્ષે બની હતી. સપ્ટેમ્બરમાં સાયરસ મિસ્ત્રીની મર્સિડીઝ બેંઝનો પણ એક્સીડેન્ડ થયો હતો જેમાં તેમની મોત થઇ હતી.

રિષભ પંતની કારની માહિતી
રિષભ રંત જે કારમાં સફર કરી રહ્યાં હતાં તે Mercedes-AMG GLE 43 4MATIC coupe હતી. માર્ગ અને પરિવહન મંત્રાલયની માહિતી અનુસાર આ ગાડીનું રજિસ્ટ્રેશન 25 સપ્ટેમ્બર 2019નાં થયું હતું જે રિષભ પંતનાં જ નામે છે. આ વર્ષનો આ બીજો મોટો અકસ્માત છે કે જેમાં મર્સિડીઝ બેન્ઝ સમાવિષ્ટ છે. સપ્ટેમ્બરમાં સાયરસ મિસ્ત્રીનું મોત થયું હતું. મિસ્ત્રી સિવાય મિત્ર જહાંગીર દિનશૉ પંડોલેનું પણ મોત થયું હતું. મિસ્ત્રી Mercedes Benz GLC 220D 4Maticમાં સવાર હતાં.

સાયરસ મિસ્ત્રીનું મોતનું કારણ સીટ બેલ્ટ?
આ કારને મુંબઇની ગાયનેકોલોજિસ્ટ અનાહિતા પંડોલે ચલાવી રહી હતી. તેની બાજુમાં તેના પતિ ડેરિયસ પંડોલે બેઠા હતાં. સાયરસ મિસ્ત્રી અને જહાંગીર દિનશૉએ સીટ બેલ્ટ નહોતો પહેર્યો અને તેમના મોતનું કારણ એ જ માનવામાં આવે છે. જ્યારે અનાહિતા અને તેના પતિ ડેરિયસે સીટ બેલ્ટ પહેર્યો હતો. તેઓ ગંભીરરૂપે ઘાયલ થયાં હતાં. રિષભ પંતે જણાવ્યું કે તે પોતે કાર ચલાવી રહ્યો હતો. ડ્રાઇવિંગ કરતી વખતે તેને નિદ્રા આવી હતી. આ જ કારણ હતું કે, કાર ડિવાઈડર સાથે અથડાઈ અને મોટો અકસ્માત થયો. તેણે જણાવ્યું કે અકસ્માત બાદ તે વિન્ડ સ્ક્રીન તોડીને બહાર આવ્યો હતો.

Former Chairman of Tata Sons Cyrus Mistry died in a car crash at around 3pm in Maharashtra's Palghar area. A total of 4 people were there in the vehicle; two, including Cyrus Mistry, died: Palghar Police pic.twitter.com/7sE8PgPUno

— ANI (@ANI) September 4, 2022

દુર્ઘટના સમયે કાર સળગતી રહી 
ભારતીય ટીમનો સ્ટાર વિકેટકીપર બેટ્સમેન રિષભ પંત કે જેનો આજે સવારમાં ગંભીર કાર અકસ્માત થયો હતો. જેમાં તે ગંભીર રીતે ઘાયલ થયો છે. ત્યારે આ ઘટનાના ચોંકાવનારા CCTV ફૂટેજ પણ સામે આવ્યા છે. જેમાં વીડિયોમાં સ્પષ્ટપણે દેખાઇ આવે છે કે કેવી રીતે ઋષભ પંતની કાર ફૂલ સ્પીડમાં ડિવાઇડર સાથે અથડાય છે અને બાદમાં કેવી રીતે કાર એકાએક આગમાં લપેટાઇ જાય છે. આ દુર્ઘટના સમયે એક તરફ ઋષભ પંતની કાર સળગતી રહે છે તો બીજી બાજુ પાસેથી સડસડાટ ગાડીઓ પસાર થતી રહે છે.