વિરાટ કોહલીને એક મોટો ઝટકો લાગ્યો છે. આઈસીસી રેન્કિંગમાં ટોપ-10માંથી તે બહાર ફેંકાઈ ગયો અને તેને બદલે ઋષભ પંતને સ્થાન મળ્યું છે.
ICC ટેસ્ટ રેન્કિંગના ટોપ-10માંથી વિરાટ કોહલી બહાર ફેંકાયો
વિરાટ કોહલી 13મા સ્થાને આવ્યો
ટેસ્ટ રેન્કિંગમાં રિષભ પંત પાંચમા સ્થાને
પહેલા સ્થાને જો રૂટ, મળ્યાં 900 પોઈન્ટ
10મા સ્થાને ઈંગ્લેન્ડનો ખેલાડી બેયરસ્ટો આવ્યો
ટેસ્ટમાં હવે વિરાટ કોહલીના વળતા પાણી થયા હોવાનું લાગી રહ્યું છે અને તેને બદલે વિકેટકિપર અને બેટ્સમેન ઋષભ પંતે ધીરે ધીરે ટેસ્ટ પર દબદબો જમાવી રહ્યો છે. લેટેસ્ટ આઈસીસી ટેસ્ટ રેન્કિંગમાં ટોપ-10 ટેસ્ટ ખેલાડીઓમાં વિરાટનો નંબર લાગ્યો નથી પરંતુ તેને બદલે પંતને સીધું 5મું સ્થાન મળી ગયું છે જે ખૂબ મોટી વાત છે. વિરાટ કોહલી અઢી વર્ષથી વધુ સમયથી સદી ફટકારી શક્યો નથી અને હવે આ દિગ્ગજ બેટ્સમેનને વધુ એક ફટકો પડ્યો છે. વિરાટ કોહલી ટેસ્ટ રેન્કિંગમાં ટોપ 10માંથી પણ બહાર થઈ ગયો છે. બુધવારે જાહેર થયેલા નવા ટેસ્ટ રેન્કિંગમાં વિરાટ કોહલી 13માં સ્થાને આવી ગયો છે.
એજબેસ્ટન ટેસ્ટ પહેલા વિરાટ કોહલી 10માં સ્થાને હતો, હવે 13મા સ્થાને આવ્યો
એજબેસ્ટન ટેસ્ટ પહેલા વિરાટ કોહલી 10માં સ્થાને હતો પરંતુ ખરાબ પ્રદર્શનના કારણે તે 3 સ્થાન નીચે આવી ગયો હતો. તેના સ્થાને એજબેસ્ટોન ટેસ્ટની બંને ઈનિંગમાં સદી ફટકારનારા જોની બેયરસ્ટોને તક આપવામાં આવી છે. બેયરસ્ટો 10માં સ્થાન પર પહોંચી ગયો છે. વિરાટ કોહલી છેલ્લા 6 વર્ષથી ટોપ 10માં હતો પરંતુ 2053 દિવસ બાદ તેને તેમાંથી બહાર થવું પડ્યું હતું.
Rishabh Pant and Jonny Bairstow break into top 10 🔺
James Anderson moves up 📊
Plenty happening in the latest @MRFWorldwide ICC Men's Player Rankings 👀
ટેસ્ટ રેન્કિંગમાં રિષભ પંત પાંચમા સ્થાને
ઈંગ્લેન્ડનો બેટ્સમેન જો રૂટ નંબર-1 પોઝિશનમાં છે. જો રૂટ એકમાત્ર એવો બેટ્સમેન છે કે જેના રેટિંગ પોઈન્ટ્સ 900થી વધુ છે. જ્યારે બીજા ક્રમે ઓસ્ટ્રેલિયાનો માર્નસ લાબુસ્ચાગ્ને છે, જેના 879 રેટિંગ પોઈન્ટ્સ છે. જ્યારે સ્ટીવ સ્મિથ ત્રીજા અને બાબર આઝમ ચોથા ક્રમે છે. ઋષભ પંત ટેસ્ટ રેન્કિંગમાં પાંચમાં સ્થાન પર પહોંચી ગયો છે. પંત ભારતનો ટોપ ટેસ્ટ રેન્ક બેટ્સમેન બની ગયો છે, રોહિત શર્મા 9માં સ્થાને છે.
વિરાટ કોહલીનું ખરાબ ફોર્મ જવાબદાર
તમને જણાવી દઈએ કે વિરાટ કોહલીને ટોપ 10માંથી બહાર કરવાનું કારણ તેનું સતત ખરાબ પ્રદર્શન છે. વિરાટ કોહલી છેલ્લા બે વર્ષથી ટેસ્ટ ક્રિકેટમાં ખૂબ જ ખરાબ પ્રદર્શન કરી રહ્યો છે. વિરાટ કોહલી છેલ્લા બે વર્ષમાં 16 ટેસ્ટ મેચ રમ્યો છે અને આ દરમિયાન તેણે 29.78ની એવરેજથી પોતાના બેટથી માત્ર 834 રન બનાવ્યા છે. આ સમય દરમિયાન વિરાટના બેટમાંથી એક પણ સદી નીકળી નથી. વિરાટે માત્ર 6 અડધી સદી ફટકારી છે અને તે 4 વખત 0 રને આઉટ થયો છે.
જોની બેયરસ્ટો ટોપ-10માં 10મા નંબરે
ઈંગ્લેન્ડના ખેલાડી જોની બેયરસ્ટોએ પણ ટેસ્ટ ક્રિકેટમાં કમાલનું પ્રદર્શન કરીને ટોપ-10માં સ્થાન મેળવ્યું છે. બેયરસ્ટો 10મા નંબરે પહોંચી ગયો છે.