રિષભ પંતનો અકસ્માત / પૈસા સામે માનવતા મરી પરવારી, લોકોએ જે કર્યું તે જાણી ગુસ્સો આવશે

• રિષભ પંતનાં અકસ્માત બાદ 2 લોકોએ કરી મદદ
• બાકીના લોકો બેગમાંથી પૈસા લઇ ભાગ્યાં
• કારમાં આશરે 3-4 લાખ રૂપિયા હતાં

ભારતીય ક્રિકેટ ટીમનાં વિકેટકીપર અને બેટ્સમેન રિષભ પંતની કારનું શુક્રવારે સવારે રૂડકીમાં એક્સીડેન્ટ થઇ ગયું. રિષભ આ અકસ્માતમાં ગંભીરરૂપે ઘાયલ થયાં હતાં, રિષભનાં અકસ્માત બાદની ઘટના માનવતાની સામે પ્રશ્નો ઊભા કરનારી છે. પંત એક્સીડેન્ટ બાદ કારનો કાચ તોડીને બહાર નિકળ્યા અને પીડાથી તડપી રહ્યાં હતાં ત્યારે ત્યાં હાજર કેટલાક લોકો તેમના બેગમાંથી રૂપિયા કાઢીને ભાગી ગયાં. જો કે 2 લોકોએ પંતની મદદ પણ કરી હતી.

રિષભનાં બેગમાંથી ચોરાયા પૈસા
રિષભની કાર સ્પીડમાં હતી અને ઝોંકું આવવાને કારણે કાર ડિવાઇડરની સાથે અથડાઇ ગઇ હતી. ત્યારબાદ પંત કારનો કાંચ તોડી અને બહાર નિકળ્યાં. આ ઘટના બાદ ત્યાં કેટલાક લોકો પહોંચ્યાં જેઓ રિષભની મદદ કરવાની જગ્યાએ તેના પૈસા લઇને ભાગી ગયાં હતાં. માહિતી અનુસાર રિષભની કારમાં આશરે 3-4 લાખ રૂપિયા હતાં. એક્સીડેન્ટ બાદ રૂપિયા રોડ પર વિખેરાઇ ગયાં હતાં. ત્યાં આવેલા લોકો આ રૂપિયાને લઇને ભાગી ગયાં જ્યારે કેટલાક વીડિયો ઊતારી રહ્યાં હતાં.

A very Shameful act:- Instead of helping him to come out of the burning car and get him an ambulance, People around the scene, looted the money and belongings of Rishabh Pant.
Money is more imp than a man’s life?This should be investigated@DehradunPolice @DelhiPolice

— Sidharth Tiwari (@Siddharth_0636) December 30, 2022

2 લોકો બન્યા ભગવાન સ્વરૂપ
રિષભ માટે 2 લોકોએ મહત્વની ભૂમિકા ભજવી હતી. હરિયાણા રોડવેઝની બસનાં એક ડ્રાઇવર અને કન્ડક્ટર ત્યાં પહોંચ્યાં અને પોલીસને ફોન કરીને ત્યાં બોલાવ્યાં. આ બંનેએ પંતને ઘાયલ અવસ્થામાં  મદદ કરી અને એમ્બ્યુલેન્સનાં આવવા સુધી રાહ જોઇ. ત્યારબાદ પંતને એમ્બ્યુલેન્સમાં બેસાડ્યો અને પછી ત્યાંથી નિકળી ગયાં. બસ ડ્રાઇવરે ઘટના બાદ જણાવ્યું કે મને પહેલા નહોતી ખબર કે તે રિષભ પંત છે. જ્યારે હું ત્યાં પહોંચ્યો ત્યારે ખબર પડી કે તે પંત છે.