ક્રિકેટ / INDvsENG: રિષભની ઈંગ્લેન્ડનાં કેપ્ટન સાથે તકરાર થઈ, સ્ટેડિયમ પંત-પંતથી ગૂંજી ઉઠ્યુ

• પહેલા દિવસની છેલ્લી ઓવરમાં પંત અને રુટ વચ્ચે બોલાચાલી
• પંત અને રુટની બોલાચાલીમાં બેન સ્ટોક પણ જોડાયો
• ફિલ્ડર્સની ટીપ્પણી પર પંત બેટ પાછળ કરીને ઉભો રહી ગયો

રિષભ પંત છેલ્લી ઓવર જાણવા સમય લઈ રહ્યો હતો

ખેલાડીઓ વચ્ચે થયેલ આ તકરાર પહેલા દિવસની રમતનાં અંતમાં જોવા મળી હતી. જેની શરુઆત ત્યારે થઈ જ્યારે રિષભ પંત જો રુટની ઓવરમાં રમી રહ્યો હતો. પંત નક્કી કરવા માટે સમય લઈ રહ્યો હતો કે આ દિવસની છેલ્લી ઓવર છે કે નહીં. પણ રુટે છેલ્લી મિનિટ પહેલા પોતાની ઓવર પૂરી કરી દીધી જેથી ફાસ્ટ બોલર ઓલી સ્ટોનને વધુ એક ઓવર નાંખવામાં મદદ મળી હતી. 

પંત અને રુટની વાતમાં સ્ટોક્સ જોડાયો

સ્ટોનની તે ઓવર દિવસની છેલ્લી ઓવર હતી. તે ઓવર દરમિયાન પંત અને રુટ વચ્ચે ગરમા ગરમી થઈ ગઈ ગઈ અને બાદમાં તેમાં બેન સ્ટોક્સ પણ જોડાઈ ગયો. ત્યારબાદ પંત અને સ્ટોક્સ વચ્ચે પણ શબ્દોની આપલે થતી જોવા મળી હતી.

"Jab tak ye khel khatam Nahi hota apun idharich hai!" #INDvsENG pic.twitter.com/OqIudUdlGR

— Wasim Jaffer (@WasimJaffer14) February 13, 2021

ફિલ્ડરે ટીપ્પણીઓ કરી

જો રુટની બોલિંગ દરમિયાન ઈંગ્લેન્ડનાં ફિલ્ડરે અમુક ટીપ્પણીઓ કરી. તેનાં પર પંત પોતાનું બેટ પાછળ મુકીને ઉભો રહી ગયો અને તે ફિલ્ડર્સ સાથે વાત કરવા લાગ્યો. તેણે સ્લિપમાં ઉભેલા બેન સ્ટોક્સની તરફ મોઢુ ફેરવીને કંઈક કીધુ. ત્યારબાદ ઓવર પૂરી થવા પર ઈંગ્લેન્ડનાં કેપ્ટન જો રુટએ પણ પોતાની વાત કહી. પછી બેન સ્ટોક્સ પણ પીચની પાસે આવ્યો ત્યારે પંત સાથે તેની ખાસી વાતચીત થઈ હતી.

સ્ટેડિયમમાં પંત પંતના નારા લાગ્યા

એમ્પાયર વિરેન્દ્ર શર્માએ પંત અને ઈંગ્લેન્ડનાં પ્લેયર્સ સાથે પછી વાત કરી. જ્યારે આ સમગ્ર ઘટના ઘટી રહી હતી ત્યારે ચેપોક સ્ટેડિયમમાં ક્રિકેટ ફેન્સ રિષભ પંતનાં નામનાં નારા લગાવી રહ્યાં હતા. સ્ટમ્પ્સનાં સમયે રિષભ પંત 33 અને અક્ષર પટેલ 5 રન બનાવીને નોટઆઉટ રહ્યાં હતા. ચેન્નાઈ ટેસ્ટનો પહેલો દિવસ પૂરો થયા બાદ ભારતે 6 વિકેટ ગુમાવીને 300 રનનો સ્કોર કરી લીધો હતો.